InfoHub Logo

Bilim berý salasy: «Qatynas»
Oqý – is áreketi: Kórkem ádebıet.
Sabaqtyń taqyryby: «Qasqyr men jeti laq» ertegisi

Maqsaty: Oqý - is áreketinde «Qasqyr men jeti laq ertegisiniń úzindisine toqtala otyryp búldirshinderdiń qyzyǵýshylyǵyn oıatý. Sózdik qoryn molaıtý, til baılyǵyn damytý, este saqtaý, dúnıe tanymyn keńeıtý.
Ádis – tásilder: Suraq – jaýap, áńgimelesý, oıyn, sergitý, madaqtaý, qorytyndylaý.
Kórnekilikter: Kartınkalar, sýretter, panarama kórnekilik.
Oıynshyq jeti laq, eshki, qasqyr.
Sabaqtyń barysy: Balalardyń sabaqqa daıyndyǵyn tekserý.
Shattyq sheńberi: Amandasý. Amansyń ba altyn kún,
Amansyń ba dostarym.
Amansyń ba, qonaqtar,
Biz sizderdi saǵyndyq.

İzdený - uıymdastyrýshylyq.
- Balalar jyldyń qaı mezgili?
- Kúz mezgili.
- Kúz týraly ne bilemiz?

Kirispe. Endi balalar búgingi jańa sabaǵymyz « Qasqyr men jeti laq» ertegisi.
- Balalar qasqyr týraly ne bilesińder?
- Qandaı janýar?
- Jabaıy janýar, Qaýipti ańdar qataryna jatady.
- Qasqyr týraly myna óleńdi eske túsireıik.
Men kókjal qasqyrmyn,
Malshyny sastyrdym.
Ash bolsam ulyrmyn,
Aýyldy torımyn.

- Eshki, laq qandaı janýar?
- Úı janýarlaryna jatady.
- Etimen, sútimen bizge paıdaly.

- Laq týraly qandaı óleń. taqpaq bilesińder.
Balalar - Laǵym - aý laǵym,
Erke totaı shunaǵym.
Aǵashtardy kemirseń,
Qulaǵyńdy julamyn

Ertede bir eshkiniń jeti laǵy bolypty. Bireýi qara, qalǵandary aq laq eken. Ormanǵa barýǵa jınalǵan eshki laqtaryn shaqyryp alyp, aqylyn aıtady:
- Shyraqtarym, eshkimge esik ashpańdar. Ormanda qasqyr júr. Men kelgende
-«Shyraqtarym - laqtarym, analaryń keldi, sút ákeldi», - dep ándetemin. Osy kezde tereze syrtynda turǵan qasqyr onyń sózin estip qalady. Eshki ketisimen qasqyr esikti qaǵyp, óziniń jýan daýysymen onyń ánin aıtady. Biraq laqtar onyń bóten daýys ekenin bilip, esikti ashpaıdy. Qasqyr saýdagerge baryp bor satyp aldy. Bordyń bir kesegin jegende daýsy azdap jińishkerdi. Osy daýyspen án aıtyp edi, laqtar taǵy aldanbady. Qasqyr ustaǵa baryp, ózine tamaq jasatyp aldy – daýsy eshkiniki sıaqty jińishke bolyp shyqty. Biraq jańa daýystyń da kómegi bolmady – laqtar aıaǵyn kórip qoıyp, ashpaı qoıdy. Qasqyr jyldam naýbaıshyǵa baryp, aıaǵyna sebetin un satyp aldy. Qasqyr esik aldyna qaıtip keldi, aq aıaǵyn laqtarǵa kórsete sozyp turyp ánge basty:-

Shyraqtarym – laqtarym, analaryń keldi, sút ákeldi. Qoryqpańdar, esik ashyńdar! Laqtar senip esik ashty! Qasqyr úıge kirip kelgende laqtar jan - jaqqa qashyp, tyǵylyp qaldy. Qasqyr olardyń bárin de taýyp, jep qoıdy. Tek bireýin ǵana baıqamaı qaldy ol saǵattyń artyna tyǵylǵan edi. Qarny toıǵan qasqyr aǵash kóleńkesine jata ketip uıqyǵa kiristi. Uzamaı eshki úıine oraldy. Esikti ıterse, esik ashyq tur. Eshki úıge kirip, laqtaryn shaqyrady. Aman qalǵan laq qarsy shyǵyp, bolǵan jaıdy aıtyp beredi. Eshki men laǵy úıdiń artyna shyǵyp qarasa, qasqyr kógalda shalqasynan túsip qoryldap jatyr eken. Eshki múıizimen qasqyrdyń qarnyn jaryp jibergende alty laq shyǵa keledi. Báride aman - esen. Eshki men laqtardyń qýanyshynda shek bolmady. Qasqyr oıanbaı turǵanda eshki onyń qarynyn taspen toltyryp, qaıta tigip qoıady. Shóldegen qasqyr sý ishpek bolyp qudyqqa barady. Sol kezde ishindegi aýyr tastar ony tómen tartyp, qasqyr qudyqqa qulady da, batyp ketti.

Qorytyndy: - Balalar barlyǵymyz ertegini jaqsy túsindik pe?
- Qyzyqty boldy ma?
- Endi sergitý jasap jibereıik;
Kólbeń, kólbeń kóleńkem,
Kólbeńdegen kóleńkem.
Qasqyr qalaı júredi,
Qasqyr bylaı júredi.
- Al endi, balalar, bárimiz qonaqtarmen qoshtasaıyq.
Qol ustasyp turaıyq,
Sheńberdi biz quraıyq.
Kóriskenshe kún jaqsy,
Saý-salamat bolaıyq.