InfoHub Logo

Mańǵystaý oblysy, Beıneý aýdany,
"Opornyı orta mektebi" memlekettik mekemesi
quqyq páni muǵalimi Ibraeva Aısara

Sabaqtyń taqyryby: Quqyq qorǵaý organdary, onyń qyzmeti men uıymdastyrylý negizi
Sabaqtyń maqsaty
Bilimdilik: oqýshylarǵa quqyq qorǵaý organdarynyń mindetterin, qurylymyn, qyzmetin túsindire otyryp, olardyń memleket pen azamattardyń múddesin qorǵaıtyn memlekettik organdar ekendigin uǵyndyrý.
Damytýshylyq: kúndelikti ómirmen baılanystyra, aqparat quraldarynyń málimetterin, QR Konstıtýsıasyn paıdalana otyryp, oqýshylardyń oı - órisin, quqyqtyq saýattylyǵyn damytý, iskerligi men izdengish qabiletterin arttyrý.
Tárbıelik: zań talaptaryn buljytpaı oryndaýǵa, eljandylyqqa, óz isine jaýapkershilikpen qaraýǵa, adamgershilikke, zańdy qurmetteýge tárbıeleý.

Sabaqtyń ádisi: túsindirý, «Oı shaqyrý», «Úsh qadamdy suhbat» strategıasy, pikirlesý, sıtýasıalyq tapsyrmalar, Kembrıdjdiń 7 modýlin yqpaldastyrý.
Sabaqtyń kórnekiligi: QR Konstıtýsıasy, AKT, ınterbelsendi taqta, «Túsinik hat» kartochkadaǵy tapsyrmalar, tirek - syzbalar, vıdeorolık.

Sabaqtyń barysy
I. Uıymdastyrý kezeńi
A) oqýshylarmen amandasý;
Á) synypty túgendeý.
B) topqa bólý.

II. Úı tapsyrmasyn tekserý
1. Memlekettik basqarý qandaı organdardan turady?
2. Joǵarǵy ókiletti zań shyǵarýshy organ?
3. Parlament qandaı palatalardan turady?
4. Senat jáne Májilistiń ókildik merzimi?
5. Atqarýshy organnyń júıesin kimder quraıdy?
6. Sot bıliginiń qyzmeti?

III. Jańa sabaq (vıdeorolık)
Memlekettik organdar arasynda quqyq qorǵaý organdary aıryqsha oryn alady. Olar qoǵamdaǵy quqyqtyq tártip pen zańdylyqty qamtamasyz etedi.

Kedendik baqylaý organy
Sot
Prokýratýra
Jemqorlyq jáne basqa kásibı qylmystarmen kúres

Ulttyq qaýipsizdik
İshki ister organdary
Ádilet organdary

Bul jónindegi QR Konstıtýsıasynyń 23 - babynda naqty aıtylǵan: «Áskerı qyzmetshiler, ulttyq qaýipsizdik organdarynyń, quqyq qorǵaý organdarynyń qyzmetkerleri men sýdıalar partıalarda, kásiptik odaqtarda bolmaýǵa, qandaı da bir saıası partıany qoldap sóılemeýge tıis». Quqyq qorǵaý organdary qyzmetiniń barlyq atalǵan qaǵıdattary olardyń saıası kúreske tartylmaýyna, halyqtyń aldynda joǵary bedeli bolýyna, respýblıkada qatań zańdylyq quqyqtyq tártipti qamtamasyz etý jónindegi ózderiniń jaýapty qyzmetterin táýelsiz oryndaýǵa, halyqqa adal qyzmet etýge, sondaı - aq qoǵamdyq jáne memlekettik qaýipsizdikti qamtamasyz etýge baǵyttalǵan.
Quqyqtyq tártip – bul zań men quqyqqa negizdelgen qoǵamdyq qatynastardyń tártiptilik jáı - kúıi. Bul quqyqtyq talaptardy iske asyrýdyń quqyqtyq normalardy, ıaǵnı zańdylyqty saqtaýdyń, oryndaýdyń túpki nátıjesi.
Quqyq qorǵaý organdarynyń jalpy sıpattamasy

Ulttyq qaýipsizdik komıtetiniń qyzmetteri
 QR qaýipsizdigine qater tóndiretin sheteldik memleketterdiń arnaýly qyzmetteri men jekelegen adamdardyń barlaý jáne dushpandyq qyzmetimen kúres
 Lańkestikpen kúres
 Zańsyz qarý aınalymymen kúres
 Nashaqorlyqpen kúres
 Kontrabandamen kúres
 Para alýmen kúres
 Basqa da aýyr qylmystarmen kúres

Sot – ádilettilikti júzege asyrýshy organ
Sot ádildigi – qylmystyq jáne azamattyq isterdi qatań túrde zańǵa sáıkes qaraý jáne sheshý jónindegi quqyq qorǵaý qyzmetiniń bir túri.
 Sot ádildigi mynadaı belgilermen sıpattalady:
 Sot ádildigin tek qana sot júzege asyrady
 Sot ádildigi qatań túrde zańǵa sáıkes qylmystyq jáne azamattyq isterdi qaraıdy jáne sheshedi.
 Sot sheshimi jalpyǵa mindettilik kúshine ıe.
Sot bıligin júrgizýshi – sýdıa. Sýdıa sot ádildigin júzege asyrýdy aıyptalýshynyń kinásizdigin dáleldeý qaǵıdasyna súıene otyryp atqarýy tıis.

Qazaqstan Respýblıkasynyń ádilet organdary men mekemeleri
 Aýmaqtyq ádilet mekemelerine
 Notarıaldyq keńselerge
 Azamattyq hal aktilerin tirkeýdi júrgizetin organdarǵa (AHAT)
 Qylmystyq atqarýshylyq júıege
 oqý oryndary men ǵylymı mekemelerge basshylyq qyzmetin atqarady

IV. Jańa sabaqty bekitý.
Jaǵdaıatty sheshý
V. Sabaqty qorytý
Test tapsyrmalary arqyly.
VI. Baǵalaý.
VII. Úıge tapsyrma
1. Quqyq qorǵaý organdary týraly ınternetten málimetter qarap tanysý
2. Úzdik quqyq qorǵaý organy qyzmetkeriniń ómirine referat jazý.