Qur oınaq
Qur oınaq kúıiniń taralýy týraly kárıalar eki túrli áńgime aıtady. Qaısysy ras, qaısysy ótirik, ol beımálim. Biraq eki áńgimede «qur» degen oıynshyl qus týraly. Birinshi áńgime: Qur degen qus oıynǵa áýes eken. Toptala júrip, oıynnyń qyzyǵyna bir enip alsa, tańnyń atqanyn, kúnniń batqanyn bilmese kerek. Qurdyń osy oıyn qumarlyǵyna tań qalǵan kúıshi «Qur oınaq» kúıin shyǵarypty. Ekinshi áńgime: Tobymen júrip keshke deıin oınaıtyn qurdyń oıynyna qyzyqqan baıdyń bir balasy úıde de kórip otyrý úshin onyń oınaıtyn jerine tuzaq qurady. Súıtip, qurdy bir-birden ustap, úıine ákele beredi. Biraq eshbiri qolǵa úırenbeı óle beredi. Ustaǵan qurdyń bári ólip, ustalmaǵan jalǵyz aq qur qalady. Bala ony da ustap úıine alyp keledi. Ol qolǵa tez úırenedi. Jemin jep alǵannan keıin, baılap qoıǵan jerinde oınap otyra beredi. Osyǵan tań qalǵan aýyl arasynyń kúıshisi «Qur oınaq» dep atapty bul kúıin.
You Might Also Like
-
Ertede bir baı jylqyshylaryna ár jyly taban et, mańdaı teriń bir jabaǵy taı dep belgilengen eken.
-
Qazaq pen qalmaq arasyndaǵy jaýgershiligi kóp zamanda eki eldi egestirgen máseleniń túıini udaıy naızanyń ushymen, qylyshtyń júzimen ǵana sheshilip otyrmaǵan. Naızadan ótimdi sózge toqtaǵan, qylyshtan ót...
