InfoHub Logo

Balabaqsha tárbıeshisi Joldaeva Janargýl

Bilim salasy: Tanym
Qorshaǵan ortamen tanystyrý
Taqyryby: «Qustar bizdiń dosymyz»
Maqsaty: Kóktem mezgiliniń ereksheligin túsindirý. Jumbaq sheshý,
kóktem týraly taqpaqtaryn eske túsirý.
Qustar ishinen kókek, qarlyǵash, toqyldaq, qustarymen, uıalarymen tanystyrý, Qustardy sýretten tanyp dene bólikterin tabýǵa úıretý. Qustyń ushatynyn bilý, zattyń ushpaıtynyn ajyratý.
Oılaý qabiletin, zeıinin, dúnıetanymyn damytý.
Qustarǵa qamqorlyqpen qaraýǵa tárbıeleý.
Kórnekiligi: Kóktem sýreti, qustardyń sýreti, úlestirmeli sýretter, qıylǵan qustar sýreti.

İs – áreket kezeńderi
Tárbıshiniń is - áreketi
Motıvasıalyq qozǵaýshy kúsh
«Kóktem» qýanyp topqa kiredi.
Alaqaı men keldim, senderge jyly shýaǵymdy ala keldim. Sálemetsizder me! qus dostarym.
Men sendermen bir samǵap ushqym kelip tur.

Shattyq sheńber
Jarqyraıdy kúnimiz,
Biz erekshe qustarmyz,
Samǵap ushyp sharyqtap,
Aıtqan tildi alamyz.
Ornymyzdy tabamyz.

Jumbaq jasyrý.
Qar erip, kún jylynyp,
Kúnder keldi shýaqty.
Jyrǵalardan sý aqty.
Qaı mezgil?
Sýret boıynsha kóktem mezgilin túsindirý.
Balalardan kóktemniń ereksheligin suraý.
Kóktem kim taqpaq biledi?

İzdený uıymdastyrýshy
Kóktem mezgilinde neler jyly jaqtan ushyp keledi?
Qustardyń ishinen bizder kókek, qarlyǵash, toqyldyqpen tanysamyz. Ár qustyń uıasyn tanytý.
Kókek ushyp kelgende kóktem mezgiliniń aýylǵa kelgenin bildiredi. Kókek uıa salmaıdy. Qarlyǵash adamdardyń dosy, ol uıasyn balshyqty aýyzymen shymshyp uıasyn jasaıdy, adamdar bar jerge salady. Toqyldaq aǵashtardyń qurttaryn tazalap, aǵashtardyń ósýine kómek beredi.
Toqyldaq ormandaǵy aǵashtar dárigeri.
Kókek, qarlyǵash, toqyldaq sýretin ár balaǵa taratý,

Sergitý sáti: «Ushty – ushty»
Oıyn sharty: Qustyń ushatynyn, zattyń ushpaıtynyn ajyratý.
Kókek, qarlyǵash, toqyldaqtyń sýretin balalarǵa taratý.
Sýrettegi qusty tanýǵa, ajyratýǵa úıretý.
Jeke – jeke balardan qandaı qus ekenin suraý.

Tolyq nusqasyn júkteý