f.azh.kz
Qyrǵyzstannyń eks-basshysy elge oralyp, tergeýge alyndy
Qyrǵyzstannyń Ulttyq qaýipsizdik memlekettik komıtetiniń (UQMK) burynǵy tóraǵasy Qamshybek Tashıev elge oraldy. Ol qazir İshki ister mınıstrliginiń (İİM) Bas tergeý basqarmasynda jaýap berip jatyr.
Bul týraly Infohub.kz aqparat agenttigi habarlaıdy.
Derekkózderdiń habarlaýynsha, burynǵy arnaıy qyzmet basshysy bir aıdan astam ýaqyt, ıaǵnı 17 aqpannan beri elde bolmaǵan. Ol elge oralǵannan keıin birden İİM-ge tergeý-jedel is-sharalaryna qatysý úshin shaqyrylǵan.
Qamshybek Tashıev óziniń advokatymen birge İİM ǵımaratyna keldi. Aldyn ala málimetter boıynsha, ol eki qylmystyq is boıynsha kýá retinde jaýap berip jatyr.
Kýáger mártebesi
«Tashıevtiń oralǵany rastaldy, ol tergeýshiniń qabyldaýyna kirdi. Mártebesi – kýáger», - dep naqtylady vedomstvodaǵy derekkózder.
Qazirgi ýaqytta İshki ister mınıstrliginiń baspasóz qyzmetinen resmı rastaý nemese tolyq túsinikteme berilmedi. Tergeý múddesi úshin burynǵy joǵary laýazymdy sheneýnik shaqyrylǵan ister boıynsha basqa da málimetter jarıa etilmeıdi.
-
Vıse-mınıstr transporta Kazahstana rasskazal o tekýshem etape realızasıı proekta po stroıtelstvý vtorogo aeroporta v stolıse.
-
Kazahstan zanál 36-e mesto v mırovom reıtıńe ekonomık po parıtetý pokýpatelnoı sposobnostı (PPS), obognav rád stran.
