InfoHub Logo

Qazaqstan satyp alý qabiletiniń parıteti (SQP) boıynsha jalpy ishki ónim (JİÓ) kólemi boıynsha álemdegi eń iri ekonomıkalar arasynda 36-shy orynǵa ıe boldy. Bul týraly Halyqaralyq valúta qorynyń (HVQ) derekteri kórsetip otyr.

Bul týraly Infohub.kz aqparat agenttigi habarlaıdy.

Álemdik reıtıńtegi ornymyz

HVQ-nyń 2025 jylǵy qazan aıyndaǵy málimetine súıensek, Qazaqstan ekonomıkasynyń kólemi shamamen 973 mıllıard dollarǵa baǵalanady. Álemdik reıtıńte biz Sıngapýr (35-oryn – shamamen 988 mıllıard dollar) men Rýmynıanyń (37-oryn – 949 mıllıard dollar) arasynda ornalastyq.

Anyqtama: Satyp alý qabiletiniń parıteti (SQP) – bul ártúrli elderdegi baǵa men ómir súrý qunynyń aıyrmashylyqtaryn eskeretin ekonomıkany baǵalaý ádisi. Ol ártúrli elderde birdeı aqsha somasyna qansha taýar men qyzmet satyp alýǵa bolatynyn salystyrýǵa múmkindik beredi, bul nomınaldy JİÓ-men salystyrǵanda áldeqaıda obektıvti salystyrý jasaıdy.

Álemdik ekonomıkalar reıtıńi

Reıtıńte Qytaı 3,5 trıllıon dollarmen kósh bastap tur. Ekinshi orynda AQSH (31,8 trıllıon dollar), úshinshi orynda Úndistan (19 trıllıon dollardan astam) ornalasqan.

Úzdik ondyqqa Reseı, Japonıa, Germanıa, Indonezıa, Brazılıa, Fransıa jáne Ulybrıtanıa da kiredi.

Álemdik ekonomıkanyń jalpy kólemi SQP boıynsha 219,2 trıllıon dollardan asady. Azıa elderiniń úlesine jahandyq JİÓ-niń jartysyna jýyǵy tıesili ekeni, bul aımaqtyń álemdik ekonomıkadaǵy róliniń artyp kele jatqanyn kórsetedi.

Qazaqstannyń pozısıasy jáne aımaqtyq kontekst

Qazaqstan Ortalyq Azıadaǵy eń iri ekonomıka bolyp qala beredi, óndiris kólemi jáne ekonomıkalyq belsendilik deńgeıi boıynsha kórshi elderden áldeqaıda ozyp keledi. Sarapshylardyń baǵalaýynsha, SQP boıynsha reıtıńke ený ekonomıkanyń naqty kólemin dálirek baǵalaýǵa múmkindik beredi, sebebi ártúrli elderdegi baǵa deńgeıiniń aıyrmashylyqtary eskeriledi.

Esterińizge sala keteıik, aqpan aıynda Qazaqstannyń 2026 jyly JİÓ kólemi boıynsha álemdegi eń iri 50 ekonomıkanyń qataryna engeni habarlanǵan bolatyn. Bul reıtıńti Visual Capitalist analıtıkalyq platformasy jarıalady. Reıtıńke sáıkes, Qazaqstan 50-shi orynǵa ornalasyp, boljamdy nomınaldy JİÓ 320 mıllıard dollar boldy.