InfoHub Logo

Qyzylorda qalasyndaǵy dámhanalardyń birinde jantúrshigerlik oqıǵa oryn aldy. Kafeni basqaratyn áıel men sol jerde jumys isteıtin káýapshy arasynda janjal shyǵyp, sońy aýyr dene jaraqatymen aıaqtalǵan.

Kýágerlerdiń aıtýynsha, janjalǵa káýapshynyń jumys ýaqytynda spırttik ishimdik iship, oıyn oınaýy sebep bolǵan. Bul jaǵdaıǵa narazy bolǵan jumys berýshi eskertý jasaǵan kezde, ashýǵa býlyqqan er adam et shabatyn baltany alyp, dámhana ıesine shabýyldaǵan. Saldarynan áıel adamnyń qol saýsaqtary aýyr jaraqat alyp, medısınalyq kómekke júginýge májbúr boldy.

Jábirlenýshiniń advokatynyń aıtýynsha, kúdikti áli kúnge deıin bostandyqta júr. Qazirgi ýaqytta quqyq qorǵaý organdaryna shaǵym túsirilip, oqıǵany jan-jaqty tergeý jáne kúdiktini jaýapkershilikke tartý talap etilýde.

Oqıǵa qoǵamda úlken rezonans týǵyzyp otyr. Jábirlenýshi tarap kináli azamattyń ádil jazalanatynyna úmit bildirýde.