InfoHub Logo

Bank shotyńyzdan iri kólemde aqsha aýdarsańyz, baqylaýǵa alynýyńyz múmkin

Endi bir aı ishinde 300 myń teńgeden kóp aqsha aýdarǵan azamattar avtomatty túrde qarjy baqylaýyna ilinýi yqtımal. Bul týraly Qarjy vıse-mınıstri Dáýren Keńbeıil málimdedi.

Mınıstrdiń aıtýynsha, eger jeke tulǵa bir aı ishinde óz shotynan basqa shottarǵa iri kólemde qarajat aýdarsa, bankter bul málimetti Qarjy monıtorıńi agenttigine mindetti túrde jetkizýi tıis.

Neni teksermek?
Qarjy monıtorıńi agenttigi tómendegideı derekterge nazar aýdarady:

• Aýdarym sany men jalpy somasy
• Qarajat kimge jáne qandaı maqsatta jóneltilgen
• Aqsha ıesiniń tabys kózi men onyń zańdy túrde tirkelýi

Kimderge áseri tıýi múmkin?
Mundaı baqylaý, eń aldymen:

• Jıi jáne iri kólemde aýdarym jasaıtyn jeke tulǵalarǵa
• Onlaın saýdamen (Instagram, Telegram sekildi platformalarda) aınalysyp, biraq resmı tirkelmegen azamattarǵa qatysty júrgiziledi.

Ne isteý kerek?
Eger tabys kózi turaqty bolsa — jeke kásipker retinde tirkelip, salyq tóleý qajet. Al eger aqsha tek turmystyq nemese otbasylyq maqsatta jiberilse — alańdaýdyń qajeti joq, biraq suraq týyndaǵan jaǵdaıda túsinikteme berýge daıyn bolý usynylady.

Budan bólek, úsh aı ishinde 1 mıllıon teńgeden astam aqsha aýdarǵan azamattar Memlekettik kirister komıtetiniń de nazaryna iligedi.