InfoHub Logo

İ. Kirispe bólimi
Logoped: - Sálemdesý. Balalardy oqý qyzmetine daıyndaý.
- Mezgil jáne aýa raıy ereksheligin suraý.
- Jumbaq jasyrý:
Gúlge qonady,
Shyrynyn sorady.
Túr – túsi sary ala
Bul ne?
Balalar: «Ara»
Logoped: - Ara sóziniń ortasynda qandaı dybys ornalasqan eken? – suraq qoıyp, jaýap alý.
- Dybystyq taldaý jasatý
Balalar: - dybystyq taldaý jasaıdy
Ǵajaıyp sát!
- «Ara» kiredi.
- Balalarmen amandasady, óziniń tilegin jáne ótinishin aıtyp, sıqyrly kitap - «Lepbýk» tapsyrmasyn beredi.
- Balalar tań qalyp, qýanady.
- Ara balalardan gúlderge qonyp, gúlden nár, shyryn jınaýǵa kómektesýin suraıdy. (Lepbýk tapsyrmalaryn oryndaý arqyly)

İİ. Negizgi bólim
Balalar: «R» dybysy atty lepbýgyn ashyp, tanysady.
1 - tapsyrma
Slaıd - prezentasıa
- Búgingi taqyryppen tanystyrý
- [Rr] dybysyna sıpattama berý
- Artıkýlásıalyq qalpy jáne áriptik tańbasymen tanystyrý;

2 - tapsyrma
Tilge arnalǵan artıkýlásıalyq jattyǵýlardy vıdeo - materıaldan kórý arqyly aına aldynda oryndatý;
Maqsaty: dybysty durys aıtýǵa qajet sóıleý músheleriniń qalpyn, qımyl qozǵalysyn damytý.
Jattyǵýlar: «Baqa», «Kese», « Átkenshek», «At shaýyp keledi», «Sańyraýqulaq»,«Baıan tartý» jattyǵýy;
Balalar: - Kórý arqyly, muqıat tyńdap, tilge arnalǵan jattyǵýlardy qaıtalaı otyryp, aınaǵa qarap oryndaıdy.

3 - tapsyrma Tynys alý jattyǵýy
- «Zymyrandy ushyr» jattyǵýy
Maqsaty: Dybysty aıtý kezinde tynystyń qalpyn saqtaý jáne durys tynystaýǵa mashyqtandyrý
Sharty: Muryn arqyly tereń tynys alyp, zymyran sýretin tútikshe kómegimen úrlep aspanǵa ushyrý kerek.
Balalar: - Tynys alý jattyǵýyn oryndaıdy, zymyran sýretine bekitilgen tútiksheden úrleıdi.
Logoped: - balalarǵa «R» dybysynyń artıkýlásıasymen tanystyrý

4 - tapsyrma «R» dybysynyń áriptik tańbasymen jáne artıkýlásıalyq qalpymen, aıtylýymen tanystyrý (sýret arqyly)
Logoped: - Jolbarys ashýlanǵanda, ańdardy qorqytý úshin qandaı dybys shyǵarady?
- Aýdıo dybys arqyly jolbarystyń dybystaýy estiledi.
- Qane, birge qaıtalap aıtaıyq! - R - R - R - R - R
Balalar: Aýdıo jazbany muqıat tyńdap, qaıtalap birge aıtady. Jolbarystyń daýysyn salady: - R - R - R - R - R
-«R» dybysyn qaıtalaıdy.

5 - tapsyrma Býyndardy qaıtalaý (slaıd arqyly)
«Jańǵyryq» oıyny
Ra - ra - ra – ushyp júr ara!
Ra - ra - ra – kómirdiń túsi qara.
Ar - ar - ar – jaýdy appaq qar.
Re - re - re – kitap toly sóre.
Er - er - er – tegis eken jer!
Ry - ry - ry – kúnniń túsi sary!
Yr - yr - yr – aspannan jaýdy jańbyr!
- Býyndardyń jalǵasyn sýretten kórý arqyly aıtady.

6 - tapsyrma «R» dybysyn sózde mashyqtandyrý
«Tizbekte!» dıdaktıkalyq oıyny
Maqsaty: Sózdegi «R» jáne «L» dybysy bar sýretterde dybysty durys aıtýǵa mashyqtandyrý.
Sharty: sýretter arasynan «R» jáne «L» dybysy bar sýretti alyp, áriptik tańba astyndaǵy jipke ornalastyryp, tizbekteý kerek.
Balalar: Tapsyrmany taratpa sýretter arqyly ústel ústinde jáne elektrondy taqta kómegimen oryndaıdy.
-«R» jáne «L» dybysynyń áriptik tańbasyna sýretti taýyp, jipke tizedi.

Sergitý sátin oryndaý:
Raketa - zymyran!
Ǵaryshqa ony ushyram.
Aspanǵa qarap aı kórdim.
Tómen qarap jer kórdim.
Ońǵa - solǵa burylyp,
Egemendi el kórdim.
Balalar: Qımyl arqyly kórsetip, «R» dybysyn sózde durys aıtady.

7 - tapsyrma «R» dybysynyń sózdegi ornyn anyqtaý
«Úıin tap!» tapsyrmasy (Flıppchart tehnologıasy arqyly oryndaý)
Maqsaty: «R» dybysynyń sózde (sózdiń basynda, ortasynda, sońynda) ornalasýyn anyqtaýǵa úıretý.
Sharty: Taqta kómegimen «R» dybysynyń sózde ornalasýyna qarap, óz úılerine sýretterdi qoıyp, sózdi atap berýi kerek.
Balalar: aldynda ornalasqan taratpa sýrettermen «R» dybysy bar sýretterdi úıshikke ornalastyrady jáne elektrondy taqtada oryndaıdy.

8 - tapsyrma «R» dybysyn sóılemde aıtyp mashyqtandyrý
«Sóılem qura» tapsyrmasy
Maqsaty: Tizbekti sýret arqyly sóılem qurap aıtýǵa úıretý.
Sharty: Taqtadaǵy birneshe sýretterdiń tizbegi arqyly sóılem qurastyrady.
- Ara gúlge qondy.
- Aınur shashyn taraqpen tarady.
- Zymyran ǵaryshqa ushty.
- Ata dombyra tartty.
- Balalar sharly ushyrdy.
- Balalar teledıdar kórip otyr.

Balalar:
- Tizbekti sýretke qarap sóılem quraıdy.
- Sóılemdi anyq aıtýǵa tyrysady.

İİİ. Qorytyndy:
9 - tapsyrma Fonematıkalyq estý qabiletin damytý
«Saq qulaq» oıyny
Maqsaty: Taqyrypty meńgertý, «R» dybysyn estý arqyly «L» dybysynan ajyratýyn damytý.
Sharty: Balaǵa birneshe sózder aıtylyp, sol sózder arasynan «R» dybysy kezdesetin sózderdi estigende balalar qol shapalaqtaıdy, eger «R» dybysy joq bolsa aıaqtaryn qozǵap belgi berýi kerek.
Balalar: -«R» dybysyn estý arqyly «L» dybysynan ajyratady;
- Balalar sózdi tyńdap túsinip, qaıtalaıdy.

Logoped: - Oqý qyzmetin qorytyndylaý, bekitý(suraq - jaýap arqyly).
- Balalar búgin sender aranyń gúlderden nár, shyryn jınaýyna kóp kómektestińder.
- Balalarǵa alǵys aıtyp, madaqtaý.
- Balalardy oıynǵa belsendi qatysqany úshin alǵys aıtyp, qoldaryna «Aranyń syıy» baldy berip, madaqtaý.

Kútiletin nátıje:
Qoldana alady: «R» dybysynyń sózde naqty, anyq aıtýdy, elektrondy taqtamen jumys júrgizýdi;
Túsinedi: Estý arqyly «R» dybysyn sózdiń basynda, ortasynda, sońynda ornalasýyn anyqtaı alýy. Sýrettegi mátin maǵynasyn, suraq mazmunyn, oıyn, jumbaq mazmunyn;
Qaıtalaı alady: Daýys yrǵaǵyn durys qalyptasýy. «R» dybysynyń artıkýlásıasy men aıtylý qalpyn. Dıdaktıkalyq oıynnyń áreketin. «R» dybysy kezdesetin sózderdi aıtýy. Dybysty basqa dybystan ajyratyp aıtý.