tengrinews.kz
Ramzan Qadyrov ulynyń jol-kólik oqıǵasyna qatysty aqparatqa alǵash ret pikir bildirdi
Chechná basshysy Ramzan Qadyrov uly Adamnyń jol-kólik oqıǵasyna qatysty degen aqparatty joqqa shyǵardy. Ol mundaı málimetterdi "jalǵan aqparat" dep atap, jasandy ıntellekt arqyly taratylǵan bolýy múmkin ekenin aıtty.
Bul týraly Infohub.kz aqparat agenttigi habarlaıdy.
"Jalǵan aqparat"
«Jasandy ıntellekttiń kómegimen kez kelgen adamdy aldaýǵa bolady. Elde 128 myńdaı avarıa bolyp, 13 myńnan astam adam qaza tapty, biraq eshkimniń sharýasy bolmaıdy. Al Qadyrovtyń ulynyń avarıasy týraly jalǵan aqparat álemdik jańalyqtardyń birinshi betine shyqty», - dedi Qadyrov.
Onyń aıtýynsha, bul oqıǵa týraly aqparattyq «vbros» bolǵan.
Buǵan deıingi habarlamalar
Buǵan deıin buqaralyq aqparat quraldary Adam Qadyrovtyń kólik apatyna ushyrap, Máskeýge jetkizilgeni týraly habarlaǵan edi. Keıbir derekkózder onyń kortejiniń qatty jyldamdyqpen júrgenin, rólde ózi bolǵanyn jazdy. Keıinnen Adam Qadyrovtyń esin jınap, jaǵdaıynyń dárigerler alańdaýshylyǵyn týdyrmaıtyny habarlandy.
Ramzan Qadyrov bul habarlamalarǵa baılanysty ulymen birge túsken beınejazbany jarıalaǵan bolatyn. Ol Adam Qadyrovtyń respýblıkalyq kúshtik qurylymdar komandırlerimen keńes ótkizgenin aıtyp, ulynyń taǵy bir marapat alǵanyn habarlady.
Adam Qadyrovqa 18 jasta. Ol Chechnányń Qaýipsizdik keńesiniń hatshysy qyzmetin atqarady. Sondaı-aq, ol birqatar mańyzdy salalarǵa jetekshilik etedi.
-
QazaqGaz jáne NCOC basshylary Qashaǵandaǵy gaz óńdeý zaýytynyń qurylys alańyna baryp, jumystardyń barysyn baqylady.
-
Qazaqstanǵa Starlink spýtnıktik ınternetin engizý jumystary belsendi kezeńge ótti. Mınıstrlik pen Starlink ókilderi kelisim sharttarynyń oryndalýyn jáne júıelerdiń daıyndyǵyn tekserdi.
