Photo: Samantha Gilmore (https://www.pexels.com/@samantha-gilmore-1903734739) / Pexels
SQO-da 19 sheneýnik jalaqy daýyna baılanysty jazalandy
Soltústik Qazaqstan oblysyndaǵy orman sharýashylyǵy mekemelerindegi zańsyzdyqtar áshkerelendi. Tabıǵat qorǵaý prokýratýrasy júrgizgen tekseris barysynda 33 qyzmetkerdiń eńbek quqyqtary buzylǵany anyqtaldy. Bul jaǵdaı saldarynan 19 sheneýnik tártiptik jazaǵa tartyldy.
Bul týraly Infohub.kz aqparat agenttigi habarlaıdy.
Eńbek kelisimsharttaryn tirkemegen
Tekserý kezinde laýazymdy tulǵalardyń qyzmetkerlermen jasalǵan eńbek kelisimsharttary týraly málimetterdi Eńbek kelisimsharttarynyń biryńǵaı esepke alý júıesine (EBEJ) engizbegeni belgili boldy. Bul áreket Qazaqstan Respýblıkasynyń Eńbek kodeksin buzyp, qyzmetkerlerdiń jumys ótilin rastaý múmkindiginen aıyrǵan.
Jalaqyny negizsiz tóleý faktileri
Sondaı-aq, jumys ýaqytyn esepke alýda da kemshilikter tabylǵan. Keıbir qyzmetkerlerge olar jumysta bolmaǵan kezeńder, tipti shetelde júrgen ýaqyttary úshin de jalaqy eseptelip, tólengen. Bul jaǵdaılar búdjet qarajatynyń negizsiz jumsalýyna ákep soqtyrǵan.
Qabyldanǵan sharalar
Qabyldanǵan sharalar nátıjesinde, barlyq eńbek kelisimsharttary boıynsha málimetter EBEJ-ge tolyq engizildi. Qyzmetkerler ózderiniń eńbek qyzmeti týraly aqparatqa qol jetkize aldy. Al, negizsiz tólengen aqshalaı qarajat búdjetke qaıtaryldy. Osy oqıǵalarǵa baılanysty 19 laýazymdy tulǵa tártiptik jaýapkershilikke tartyldy.
-
Áleýmettik jelilerde Semeı qalasynda túsirilgeni aıtylatyn beınejazba taraýda. Kadrlarda oblystyq prokýratýra ǵımaratynyń terezesinde alkogól bótelkeleriniń turǵany kórinedi.
-
Jambyl oblysynda anasy eki balasyn besinshi qabattan laqtyryp jibergen. Qyz balanyń jaǵdaıy aýyr, súıekteri synǵan.
