f.azh.kz
Rano Nıgmetovanyń isi kasasıalyq sotta qaralady
Atyraýlyq Rano Nıgmetovanyń isi boıynsha sot sheshimine qatysty shaǵym kasasıalyq sotqa jetti. Qorǵaýshylar burynǵy úkimniń negizsiz ekenin alǵa tartady.
Bul týraly Infohub.kz aqparat agenttigi habarlaıdy.
Sot otyrysy
Aıyptalýshynyń advokattary Rýstam Ahmedıarov pen Nurjan Sársembaevtyń aıtýynsha, sot otyrysy 3 naýryzda Astanada ótedi. Olardyń pikirinshe, buryn shyǵarylǵan sot aktilerinde qorǵalýshynyń kinásin dáleldeıtin jetkilikti aıǵaqtar joq.
«Bizdiń ustanymymyz boıynsha, bul iste aıyptalýshynyń kinásin dáleldeıtin eshqandaı aıǵaq joq. Adamnyń kinási tolyq dáleldenbeı sottalǵanyna senemiz», – dedi advokattar.
İstiń mán-jaıy
Rano Nıgmetova buǵan deıin asa iri kólemdegi alaıaqtyq úshin 6 jyl 6 aı bas bostandyǵynan aıyrylǵan bolatyn. Tergeý nusqasy boıynsha, 2024 jyldyń naýryz-sáýir aılarynda Nıgmetova qurbysymen birge tanysyn sendirip, 33 mıllıon teńgeden astam aqshany ınvestısıalyq baǵdarlama arqyly aýdartqan. Alaıda, ýáde etilgen paıdany ol ala almaǵan. Sot materıaldarynda kórsetilgendeı, áıelder birneshe mıllıon teńgege gúlderge tapsyrys berip, ony tólemegen. Keıin bul gúl shoqtaryn Instagram-da syılyq retinde alǵandaı kórsetip, aýdıtorıanyń senimin arttyrýǵa jáne kontent jasaýǵa paıdalanǵan.
Apelásıalyq saty
Qorǵaýshylardyń aıtýynsha, apelásıalyq saty shaǵymdy qaraý kezinde qorǵaý tarapynyń ýájderi men birinshi saty sotynyń qorytyndylaryna tıisti quqyqtyq baǵa bermegen.
Kasasıalyq qaraý aıasynda sot buryn shyǵarylǵan sot sheshimderiniń zańdylyǵy men negizdiligin tekseredi. Sot otyrysynyń qorytyndysy boıynsha, sot aktileri ózgerissiz qaldyrylýy nemese qaıta qaralýy múmkin.
-
Almaty halyqaralyq áýejaıynda Olımpıada chempıony Mıhaıl Shaıdorovty saltanatty túrde qarsy aldy.
-
Atyrau resident Rano Nigmetova's fraud conviction is under review at the cassation court, with her defense team arguing the previous verdict lacked sufficient evidence.
