instagram.com/mangystau_audany
Reseı men Ázerbaıjan AZAL ushaǵynyń qulaýy boıynsha birlesken málimdeme jasady
Reseı men Ázerbaıjannyń Syrtqy ister mınıstrlikteri 2024 jylǵy jeltoqsanda Aqtaý mańynda bolǵan AZAL áýe kompanıasynyń Embraer 190 ushaǵynyń apatqa ushyraýyna baılanysty týyndaǵan máselelerdi retteý týraly birlesken málimdeme taratty. Bul týraly Infohub.kz aqparat agenttigi habarlaıdy.
Eki el prezıdentteriniń 2025 jylǵy 9 qazanda Dýshanbede qol jetkizgen kelisimderine sáıkes, taraptar ushaq apatynyń saldaryn, sonyń ishinde ótemaqy tóleý máselesin tıisti deńgeıde retteýge kelisti.
Málimdemede AZAL áýe kompanıasynyń Embraer 190 ushaǵynyń qulaý sebebi Reseı Federasıasynyń áýe keńistigindegi QQS júıesiniń kezdeısoq áreketi bolǵany aıtylǵan.
Yntymaqtastyqty nyǵaıtý
«Qabyldanǵan sharalar odaqtastyq ózara is-qımyl aıasynda tıimdi yntymaqtastyqty odan ári qurýǵa degen ekijaqty umtylysty rastaıdy. Ózara qurmet, senim jáne taraptardyń múddelerin eskerý negizinde reseılik-ázerbaıjandyq baılanystardyń údemeli damýyna senim bildiremiz. Bul eki memlekettiń halyqtarynyń múddesi úshin tatý kórshilik qarym-qatynastardy nyǵaıtýǵa jáne yntymaqtastyqty keńeıtýge yqpal etetinine senimdimiz», - delingen birlesken málimdemede.
Taraptar áýe kemesi apatynan qaza tapqandardyń týystary men jaqyndaryna jáne osy qaıǵyly oqıǵadan zardap shekkenderdiń barlyǵyna taǵy da kóńil aıtty.
Apattyń mán-jaıy
2024 jylǵy 25 jeltoqsanda Aqtaý mańynda Baký – Groznyı baǵytyndaǵy jolaýshylar ushaǵy apatqa ushyrady. Apat saldarynan 38 adam qaza taýyp, 29 adam túrli dárejedegi jaraqat aldy.
-
Kazakhstan's financial watchdog has confirmed irregularities in major banks but will not disclose names or specific details of a probe into a $15 billion transaction.
-
Russia and Azerbaijan have reached an agreement to resolve issues stemming from the AZAL Embraer 190 crash near Aktau in December 2024.
