Reseı men Ýkraına 175 tutqynmen almasady
Reseı Prezıdenti Vladımır Pýtın men AQSH Prezıdenti Donald Tramp arasyndaǵy telefon arqyly ótken kelissózder nátıjesinde, Reseı Ýkraınadaǵy energetıkalyq ınfraqurylymǵa 30 kún boıy shabýyl jasamaýǵa kelisti. Bul sheshimnen keıin Reseı áskerı kúshterine tıisti nusqaýlar berildi.
Kremldiń resmı málimdemesine sáıkes, 19 naýryzda Reseı men Ýkraına "175-ke 175" formýlasy boıynsha tutqyndarmen almasýdy júzege asyrady. Sonymen qatar, aýyr jaraqat alǵan 23 ýkraınalyq sarbaz eline qaıtarylady.
Kelissózder barysynda taraptar ýaqytsha bitimge kelý máselesin de talqylady, biraq naqty kelisimge qol jetkizilmedi. Máskeýdiń negizgi sharty – Ýkraınaǵa shetelden beriletin áskerı kómekti tolyq toqtatý.
Buǵan deıin, 30 jeltoqsanda, Reseı men Ýkraına "150-ge 150" formýlasy boıynsha tutqyndarmen almasqan bolatyn.
You Might Also Like
-
Kóshe kórgen bala: Jastar arasyndaǵy «kóshe» ıdeologıasynyń qaýpi
-
Polsha men Baltyq elderi qorǵanysyn kúsheıtý úshin mańyzdy sheshim qabyldady,dep habarlaıdy Infohub.kz
