InfoHub Logo

Reseıde halyqtyń tutyný mádenıeti eleýli ózgeristerge ushyrap, sekond-hend kıimderge degen suranys kúrt artty. Endi paıdalanylǵan taýarlardy satyp alý uıat sanalmaı, kúndelikti qajettilikke aınalǵan. Bul úrdis Qazaqstanmen baılanysty da jańalyqtarǵa sebep bolyp otyr.

Bul týraly Infohub.kz aqparat agenttigi habarlaıdy.

Kóshe saýdasynyń jandanýy

Reseı qalalarynda kóshelerde stıhıaly jármeńkeler kóbeıip ketti. Adamdar aǵashtarǵa jip baılap nemese jerge karton tósep, satýǵa jaraıtyn kıimderin, tipti basqa da qoldanylǵan zattaryn jaıyp satýda. Bul kórinis 90-shy jyldardaǵy saýdanyń qaıta jandanýyn eske salady. Mundaı saýda oryndaryna halyq kóptep kelip, zattardy aqtaryp, tańdap, saýdalasýda. Sarapshylar muny halyqtyń amalsyz «janbaǵys strategıasy» dep baǵalaıdy.

Ekonomıkalyq jaǵdaıdyń áseri

Reseılikterdiń 43%-y paıdalanylǵan taýarlardy turaqty túrde satyp alatyny týraly derekter bar. Buǵan birneshe sebepter bar:

Qazaqstannyń róli

Reseıdiń Edil boıy, Oral jáne Qazaqstanmen shektes aımaqtaryndaǵy sekond-hend dúkenderi Qazaqstannan jetkiziletin taýarlarmen tolyǵady. Alaıda, bul kıimder kóbine Qazaqstannan gýmanıtarlyq kómek retinde jınalyp, keıin Reseıde satylady eken. Bul jaǵdaı kórshi eldegi halyqtyń ál-aýqatynyń shynaıy deńgeıinen habar beredi.

Sapa máselesi

Reseıdegi qaıtalama naryq negizinen ótken onjyldyqtardaǵy sapaly kıimderge súıenip tur. Alaıda, sońǵy jyldary Azıa elderinen, ásirese Qytaıdan ákelingen kıimderdiń sapasy tómendep, bir-eki ret jýǵannan keıin túsi ónip, tigisteri sógilip qalatyn bolǵan. Bul jaǵdaı sapaly «b/ý» zattardyń qorynyń sarqylý qaýpin týdyrýda. Nátıjesinde, jańadan satyp alynǵan kıimder de tez tozyp, bir-eki jyldan keıin satýǵa jaramaı qalýy múmkin.

Reseılik basylymdardyń jazýynsha, 80-90-shy jyldardaǵy nemis, skandınavıalyq brendterdiń, amerıkandyq djınsylar men ıtalándyq bylǵarydan tigilgen kıimderdiń sapasy áli de joǵary jáne olar uzaq ýaqyt qyzmet etýge daıyn. Qazirgi tańda mundaı sapaly kıimderdi tabýdyń jalǵyz múmkindigi – sekond-hend dúkenderi ǵana.