InfoHub Logo

Reseı Federasıasynyń kólik mınıstri qyzmetinen bosatylǵan Roman Starovoıt óz-ózine qol jumsaǵan. Bul týraly birqatar reseılik jáne sheteldik aqparat kózderi habarlady.

Aldyn ala málimet boıynsha, eks-mınıstr Máskeý mańyndaǵy Odınsovo qalasynda, óz úıiniń mańynda kólik ishinde ózin atyp óltirgen. Qaıǵyly oqıǵa ornynda quqyq qorǵaý organdary tergeý júrgizip jatyr.

Starovoıttyń qyzmetten ketýi jýyrda Reseıge baǵyttalǵan ushqyshsyz ushaqtar (drondar) shabýylynan keıin birneshe reısterdiń keshigýine baılanysty bolǵan. Osy oqıǵadan soń ol jaýapkershilikke tartylyp, mınıstr laýazymynan bosatylǵan edi.

Qazir bul oqıǵaǵa baılanysty resmı organdar tarapynan naqty túsinikteme berilmegen. Tergeý amaldary jalǵasýda.