Túrkıada saıası teketires ýshyqty: Prezıdent Erdoǵan opozısıa serkesin sotqa berdi
Túrkıa prezıdenti Rejep Taıyp Erdoǵan men opozısıa arasyndaǵy saıası qaqtyǵys jańa deńgeıge kóterildi. Memleket basshysy Halyqtyq-respýblıkalyq partıa jetekshisi Ózgúr Ózelge qarsy azamattyq jáne qylmystyq talap aryz túsirgeni belgili boldy.Buny Infohab tilshisi habarlaıdy.
Prezıdenttiń advokaty Húseın Aıdynnyń aıtýynsha, 5 shildede Ózel ótkizgen baspasóz jıynynda Erdoǵanǵa baǵyttalǵan aýyr sózder aıtylyp, ony qorlaý men úrkitý belgileri baıqalǵan. Osyǵan baılanysty Ankaranyń azamattyq sotyna moraldyq ótemaqy óndirý týraly shaǵym joldansa, prokýratýraǵa qylmystyq is qozǵaý jóninde de ótinish tapsyrylǵan.
Opozısıa serkesi Ózgúr Ózel sol kúni birneshe qala — Antalıa, Adana, Adyıaman jáne Manavgat ákimderiniń ustalýyn qatań synap, bul jaǵdaıdy bıliktiń avtorıtarlyq betburysy retinde baǵalaǵan. Sonymen qatar ol qarasha aıynda kezekten tys prezıdenttik saılaý ótkizý qajet ekenin aıtyp, Erdoǵannyń bıligi sol saılaýda jeńiledi degen málimdeme jasaǵan.
Bul oqıǵa Túrkıadaǵy bılik pen opozısıa arasyndaǵy shıelenistiń kúsheıip bara jatqanyn ańǵartady.
You Might Also Like
-
Qazaqstandyq dzúdoshy Ábıba Ábýjaqynova jańartylǵan halyqaralyq reıtıńte áıelder arasyndaǵy 48 keli salmaq dárejesinde ekinshi orynǵa kóterildi. Bul – el tarıhyndaǵy eń joǵary jetistikterdiń biri.
-
Qazaqstandyq aýyr atlet Álıhan Áskerbaı Astanada ótip jatqan jasóspirimder men jastar arasyndaǵy Azıa chempıonatynda tarıhı jetistikke qol jetkizdi. Ol 61 kelige deıingi salmaq dárejesinde qossaıys ...
