Rýslan Berdenov ózin atýǵa oqtalǵan kúdiktiniń málimdemesine jaýap berdi
Qyzmet babynda qastandyqqa ushyraǵan sheneýnik Rýslan Berdenov kúdikti Erlan Jıenbaıdyń sottaǵy sózine baılanysty resmı túsinikteme berdi. Onyń aıtýynsha, qaqtyǵystyń túp tamyry – kásibı jáne kelisimsharttyq mindettemelerge baılanysty bolǵan.
"Qaqtyǵystyń túp-tórkini — kásibı, qyzmettik sıpatta. Jaýapker kelisim aıasyndaǵy jumysyn adal atqarǵysy kelmedi, esep berýden jaltardy. Men tek ashyqtyq pen mindettemelerdiń oryndalýyn talap ettim. Al qoǵam nazaryn "qyzǵanysh", "jeke qatynas", "jubaıy" sekildi jalǵan sebepterge burý — manıpýlásıa, shyndyqtan alystatý. Men onyń jubaıyn da, otbasyn da tanymaımyn. Ol men úshin tek merdiger edi", — dedi Berdenov.
Sondaı-aq, ol Jıenbaıdyń sotta aıtqan “Berdenov qastandyqqa Shymkent ákimi Ǵabıt Syzdyqbekov tapsyrys berdi dep aıtýymdy surady” degen málimdemesin de teriske shyǵardy.
Sheneýnik denesinde oq jaraqatynyń saldary áli bar ekenin aıtyp, rentgen sýretterin jarıalady. Sol sebepti sot prosesine jeke qatysa almaıtynyn málimdedi.
Qylmystyq istiń sotta qaralýy jalǵasyp jatyr. Rýslan Berdenov tarapynan berilgen jaýap qoǵamda úlken rezonans týdyrdy.
You Might Also Like
-
Sırıa men Izraıl arasynda birneshe aptaǵa sozylǵan qaqtyǵystardan keıin eki el ýaqytsha atysty toqtatý jóninde kelisimge keldi. Bul týraly AQSH-tyń Túrkıadaǵy elshisi ári Sırıa boıynsha arnaıy ókili To...
-
Ýchaskelik polıseıdiń ár kúni belgisiz oqıǵalar men jaýapkershilikke toly. Bul týraly oblystyq polısıa departametiniń baspasóz qyzmeti jazady, dep habarlaıdy Infohab AtyrauPress-ke siltep.
