tengrinews.kz
Satpaev turǵyny 1,5 mıllıon teńgege júrgizýshi kýáligin satpaq bolǵan
Satpaev qalasynyń turǵyny júrgizýshi kýáligin daıyndap berýge kómektesemin dep, azamattardy aldap aqshasyn alyp otyrǵan. Bul týraly Polisia.kz saıtyna silteme jasap Tengri Auto habarlady.
Qandaı jaǵdaı boldy
Tergeý málimetteri boıynsha, kúdikti áleýmettik jeliler arqyly júrgizýshi kýáligin alýǵa kómektesýdi usynǵan. Aqysyn alǵan soń, jábirlenýshilermen baılanysyn úzip tastaǵan.
Polısıanyń habarlaýynsha, ol júrgizýshi kýáligin daıyndap berý úshin 300 myń teńgeden 1,5 mıllıon teńgege deıin aqsha alǵan. Qazirgi ýaqytta shamamen 20 jábirlenýshi anyqtaldy.
Bul derek boıynsha sotqa deıingi tergeý amaldary júrgizilip jatyr.
Polısıa júrgizýshi kýáligin tek zańdy jolmen ǵana alýǵa bolatynyn eske saldy: avtomektepte oqý, emtıhan tapsyrý jáne HQKO-dan qujattardy resimdeý qajet.
Zańsyz joldar
Oqýsyz jáne emtıhansyz júrgizýshi kýáligin alýdyń basqa da nusqalary zańsyz bolyp tabylady jáne alaıaqtyq sqemalarmen baılanysty bolýy múmkin.
Bul – qazaqstandyqtardyń júrgizýshi kýáligin satyp alyp, aqshasynan aıyrylǵan alǵashqy jaǵdaı emes. Buǵan deıin úsh adam alaıaqqa 770 myń teńge berip, joq nársege aqshasyn joǵaltqany týraly habarlaǵan bolatynbyz.
Aıta keteıik, Soltústik Qazaqstan oblysynda da osyndaı jaǵdaı bolǵan. Taksı júrgizýshisi 100-200 myń teńgege júrgizýshi kýáligin jasap beremin dep, 4 jábirlenýshiden 450 myń teńgeden astam aqsha alǵan.
-
Aqtaý turǵyndary qoqys shyǵarý qyzmeti úshin birneshe aıǵa arnalǵan tólem shottaryn aldy. «Zero Waste Aqtaý» kompanıasy bul jaǵdaıǵa qatysty túsinikteme berdi.
-
Authorities in Kazakhstan have apprehended an individual accused of defrauding citizens by promising to procure driver's licenses through social media for substantial sums.
