InfoHub Logo

Dúnıejúzilik saýda uıymy (DSU) álemdik ekonomıkaǵa qatysty alańdatarlyq boljam jarıalady. Uıym sarapshylarynyń aıtýynsha, tarıftik teketirester men saýda shekteýleri saldarynan bıyl jahandyq saýda kólemi 0,2 paıyzǵa qysqarýy yqtımal. Al ahýal odan ári ýshyǵa tússe, bul kórsetkish 1,5 paıyzǵa deıin jetýi múmkin.

Mundaı senarı eksporttyq tasymaldardy tejep, álem elderiniń ekonomıkalyq belsendiligin kúrt tómendetedi. Eń úlken soqqyny Soltústik Amerıka sezinýi múmkin – sarapshylardyń esebinshe, bul óńirdiń eksporty birden 12,6 paıyzǵa quldyraýy yqtımal.

Azıa men Eýropadaǵy ósim de báseńdemek: saýda kólemi bar bolǵany 1–2 paıyzǵa ǵana artýy múmkin. Bul úrdis qazirdiń ózinde aksıa naryǵynan baıqalyp otyr. Nvidia kompanıasynyń quny 7 paıyzǵa tómendese, S&P 500 ındeksi 2,2 paıyzǵa, Nasdaq kórsetkishi 3,1 paıyzǵa azaıǵan.