InfoHub Logo

Prezıdent Qasym-Jomart Toqaev salyq reformasyna qatysty naqty ustanymyn málimdedi. Onyń aıtýynsha, jańa Salyq kodeksi kásipkerler men memlekettiń múddesin teń deńgeıde eskerip, túsinikti ári ádil júıege aınalýǵa tıis.

«Biz salyq saıasatyn qatańdatýdy kózdep otyrǵan joqpyz. Kerisinshe, ony retke keltiremiz. Qazirgi kodeks tym kúrdeli, túrli jeńildikter men rejımderdiń kóptigi bıznes qaýymdastyǵynda teńsizdik týǵyzdy. Bireýge tıimdi, al endi birine kerisinshe – ádiletsiz jaǵdaı qalyptasýda. Mundaıǵa jol berýge bolmaıdy», – dedi Prezıdent.

Memleket basshysy jańa Salyq kodeksi kásipkerlerdi salyqtan jaltarýǵa emes, kerisinshe, ony ashyq tóleýge yntalandyratynyn atap ótti. Salyq túsimderi esebinen jańa mektepter men aýrýhanalar salý, ınfraqurylym damytý sekildi bastamalar júzege asady.

«Ashyq jáne turaqty salyq júıesi – ınvestısıa tartýdyń, ekonomıka ósiminiń kepili. Bul – eń aldymen halyqtyń ál-aýqatyn arttyrýǵa jol ashady», – dedi Toqaev.