pres-slýjba SGO
Serbıa prezıdenti qazaqstandyq arnaıy jasaqqa tańdaı qaqty: «Ómirimde mundaıdy kórmegenmin»
Serbıa prezıdenti Aleksandr Výchıch Qazaqstannyń arnaıy jasaqtarynyń deńgeıine joǵary baǵa berip, Qasym-Jomart Toqaevtan serb jaýyngerlerin daıarlaýǵa járdemdesýdi ótindi.
Bul týraly Infohub.kz aqparat agenttigi habarlaıdy.
Arnaıy jasaqtardyń sheberligine tánti boldy
Aqordada ótken kezdesýde serb kóshbasshysy qazaqstandyq jáne serbıalyq komandalar qatysqan UAE SWAT Challenge-2026 halyqaralyq týrnırin qyzyǵýshylyqpen tamashalaǵanyn aıtty. Osy oraıda ol Qazaqstan basshysynan arnaıy jasaq qyzmetkerlerin daıarlaýǵa járdemdesýdi surady.
«Qazaqstan, árıne, álemdegi eń úzdik. Men Serbıadaǵy adamdar muny bilgenin qalaımyn. Serbıalyq jigitterimiz birneshe saıysta jaqsy óner kórsetti. Al qazaq jigitteri men qyzdary eshqashan qatelesken emes, men mundaıdy ómirimde kórmegenmin. Sizderdiń arnaıy jasaqtaryńyz eń joǵary deńgeıdi kórsetti jáne men olardyń bizdiń jaýyngerlerimizdi oqytqanyn qalaımyn. Qaýipsizdikti qamtamasyz etý salasyndaǵy sizdiń tamasha jetistikterińizdi taǵy da quttyqtaımyn», - dedi Aleksandr Výchıch.
UAE SWAT Challenge-2026 týrnırindegi jetistikter
Buǵan deıin Qazaqstan prezıdenti Dýbaıda ótken UAE SWAT Challenge-2026 halyqaralyq antıterrorlyq bólimsheleriniń jarysyna qatysqan qazaqstandyqtardy tamasha nátıjelerimen quttyqtaǵany habarlanǵan bolatyn. Sol kezde Kazakhstan C komandasy bedeldi týrnırdiń bas júldesin ıelense, Kazakhstan A komandasy jalpy esepte ekinshi oryn alǵany aıtyldy.
Sonymen qatar, Qazaqstannyń «Tomırıs» áıelder arnaıy jasaq komandasy týrnırdiń úzdigi atandy.
-
V Ile-Alataýskom nasıonalnom parke obávlen maksımalnyı ýroven lavınnoı opasnostı. Lúbıtelám gor sledýet otlojıt poezdkı.
-
Serbian President Aleksandar Vučić expressed admiration for Kazakhstan's elite forces after a competition, requesting collaboration on training Serbian soldiers.
