InfoHub Logo

Shahtınskide chempıonǵa zal tabylmaı otyr: Sabyrjan Aqqalyqov týǵan qalasynda shetqaqpaı kórýde
Álem chempıony sport zalyna kire almaı júrgenin málimdedi

Álem kýbogynyń jeńimpazy, tanymal boksshy Sabyrjan Aqqalyqov týǵan jeri Shahtınsk qalasynda jattyǵýǵa múmkindik tappaı júrgenin aıtty. Onyń aıtýynsha, buǵan deıin jattyqqan «Tentek» sport keshenine endi túrli syltaýmen kirgizbeı qoıǵan.

– Qazaqstannyń qaı qalasyna barsam da, meni qurmetpen qarsy alady. Biraq óz týǵan qalamda, chempıon bolǵan jerde zalǵa da jolatpaı otyr, – deıdi Aqqalyqov.

Sportshynyń sózinshe, zalda boksqa emes, basqa sport túrlerine basymdyq berilgen. Tipti, bir saǵatqa jattyǵý úshin aqy tólese de, jattyǵý ortasynan shyǵaryp jiberetin jaǵdaılar bolǵan. Ol buǵan deıin qala ákiminen kómek surap, jýynatyn bólme qajettigin de aıtqan. Alaıda ákimdik ýáde bergenimen, naqty kómek kórsetilmegen.

Sabyrjan jýyrda óziniń sporttyq joly týraly derekti fılm túsirmek bolǵan kezde de atalmysh sport kesheninde túsirilim jasaýǵa ruqsat ala almaǵan.

Bul jaǵdaı sport salasyndaǵy júıeli qoldaýdyń joqtyǵyn jáne óńirlik deńgeıde chempıondarǵa degen nemquraıdylyqty kórsetti.