Facebook-te balaǵat aıtqan áıel 1 mln teńge ótemaqy tóleıtin boldy
Facebook-te balaǵat aıtqan áıel 1 mln teńge ótemaqy tóleıtin boldy
Atyraýdaǵy bilim bóliminiń basshysy ózin qorlaǵan turǵyndy sotqa berip, jeńip shyqty
Atyraý qalalyq bilim bóliminiń basshysy Aınagúl Dúısekenova Facebook jelisinde jáne WhatsApp chattarynda jeke basyna til tıgizip, negizsiz jala japqan azamatshany sotqa berip, moraldyq ótemaqy óndirip aldy.
Sheneýniktiń aıtýynsha, 37 jastaǵy qala turǵyny ony bir jyl boıy áleýmettik jelide haıýanǵa teńep, balaǵattaǵan. WhatsApp arqyly ata-analar men bilim salasynyń ókilderi otyrǵan toptarǵa da birneshe ret aýdıo habarlama jiberip, qorlaýyn jalǵastyrǵan.
— Jeke basyma tıiskenine, qoǵam aldynda masqaralaýǵa tyrysqanyna tóze almadym. Advokat jaldap, sotqa berýime týra keldi. Ol úshin nesıe alýǵa da májbúr boldym, — deıdi Aınagúl Dúısekenova.
Sot sheshimimen áıel 1 mıllıon teńge moraldyq jáne materıaldyq shyǵyn óteýge mindetteldi. Sonymen qatar ol Facebook jelisi arqyly kópshilik aldynda keshirim suraýy tıis. Azamatsha apelásıaǵa júgingenimen, sheshim ózgerissiz qaldy.
Aıta keteıik, bul janjaldyń basynda azamatsha Aınagúl Dúısekenovany memleket qarjysyn jymqyrdy dep aıyptaǵan. Alaıda quzyrly organdar birneshe ret tekserý júrgizip, bul aıyptaýlardyń negizsiz ekenin anyqtaǵan.
You Might Also Like
-
Ánshi Merýert Túsipbaeva áleýmettik jelide Baıan Alagózova týraly aıtqan pikirine baılanysty málimdeme jasady. Bul jazba ınternette keńinen taraǵan eski vıdeosynan keıin jarıalanyp otyr. Vıdeoda Túsi...
-
2025 jylǵy mamyrda AQSH Qytaıdan nebári 556 mıllıon dollardyń kıim-keshegin satyp aldy. Bul — sońǵy 22 jyldaǵy eń tómengi kórsetkish. Import kólemi qatarynan tórt aı boıy azaıyp keledi.
