InfoHub Logo

Mıhaıl Shaıdorovtyń qysqy Olımpıadadaǵy altyn medali qoǵamda qyzý talqylaý týdyrdy. Kópshilik bul jeńisti ulttyq jetistik retinde qabyldasa, tanymal jazýshy Qanat Tileýhan muny jeke tulǵanyń eńbegi dep esepteıdi.

Bul týraly Infohub.kz aqparat agenttigi habarlaıdy.

Jeke tulǵanyń jeńisi

Jazýshy Qanat Tileýhan óziniń Instagram paraqshasynda Shaıdorovtyń Olımpıadadaǵy altynyn memlekettiń nemese úkimettiń jetistigi retinde qarastyrýǵa bolmaıtynyn málimdedi. Onyń aıtýynsha, bul – sportshynyń óz talantyn eńbekpen shyńdap, qol jetkizgen jeke menshik jeńisi.

«Ádette bizdiń sportshylar Olımpıada shyńyn baǵyndyrsa, ony ulttyń uly jeńisi nemese úkimettiń jetistigi dep qabyldaımyz. Al menińshe, bul – adamnyń jeke talantyn eńbekpen shyńdap shyqqan jeke menshik jeńisi», – deıdi jazýshy.

Nazar aýdarylmaǵan eńbek

Qanat Tileýhan Mıhaıl Shaıdorovty kópshiliktiń qazir quttyqtap jatqanyn, alaıda buǵan deıin onyń esimin kóp adam bilmegenin atap ótti. Sportshy kishkentaıynan osy sport túrin tańdap, kásibı daıyndalyp, mine, tarıhı jeńiske jetken. Jazýshynyń pikirinshe, mundaı jeńisterdi ózimizge menshiktep alýǵa tyrysqanymen, eshkim bul jeńispen ortaqtaspaýy kerek, tek qýanyshyn bólisýge bolady.

«Siz qalaı oılaısyz?» – dep jazýshy óz aýdıtorıasyna saýal tastady.