InfoHub Logo

Qazaqstanda jyljymaıtyn múlikke qatysty qujattarda mańyzdy ózgerister boldy. Buǵan deıin keńinen qoldanylǵan "tehnıkalyq pasport" uǵymy zańnamadan alynyp tastalyp, onyń ornyna "jyljymaıtyn múlik obektisiniń kadastrlyq pasporty" termıni qoldanysqa engizildi. Bul ózgerister memlekettik qyzmetterdi sıfrlandyrý aıasynda jasalǵan.

Bul týraly Infohub.kz aqparat agenttigi habarlaıdy.

Ne ózgerdi?

Buǵan deıin áleýmettik jelilerde jáne keıbir BAQ-ta jyljymaıtyn múlik ıeleriniń tehnıkalyq pasporttaryn mindetti túrde jańartýy kerek degen aqparat taraǵan bolatyn. Alaıda, Ádilet mınıstrliginiń Azamattyq hal aktilerin tirkeý komıteti men jyljymaıtyn múlikke quqyqtardy tirkeý jáne olarmen jasalatyn mámilelerdi memlekettik tirkeýdi uıymdastyrý komıtetiniń habarlaýynsha, bul aqparat shyndyqqa janaspaıdy.

Mınıstrlik málimeti boıynsha, "tehnıkalyq pasport" degen uǵym zańnamada budan bylaı qoldanylmaıdy. Onyń ornyna "jyljymaıtyn múlik obektisiniń kadastrlyq pasporty" qoldanylady. Bul qujat jyljymaıtyn múliktiń tehnıkalyq jáne ıdentıfıkasıalyq sıpattamalarymen qatar, jer ýchaskesi týraly málimetterdi qamtıdy.

Qashan kadastrlyq pasport rásimdeý qajet?

Kadastrlyq pasportty kelesi jaǵdaılarda rásimdeý qajet bolady:

Sonymen qatar, menshik ıesi aýysqan jaǵdaıda kadastrlyq pasportty qaıta rásimdeýdiń qajeti joq. Sebebi qujat jyljymaıtyn múliktiń tehnıkalyq jáne ıdentıfıkasıalyq sıpattamalaryn qamtıtyndyqtan, zańdy kúshin saqtaıdy.

Osylaısha, barlyq úı ıeleri qujattaryn shuǵyl túrde jańartýy kerek degen qaýesetti aqparat shyndyqqa sáıkes kelmeıdi.