InfoHub Logo

Aqtóbe oblysy, Temir aýdany, Qaıyńdy aýyly,
Abaı atyndaǵy orta mektep dene shynyqtyrý páni muǵalimi
Sálimgereev Áset Kenjebekuly

Taqyryby: Shańǵy tebýdiń ádis - tásilderi
Sabaqtyń maqsaty: Shańǵy sportynyń mazmunyn, erejelerin, erekshelikterin shańǵy tebýdiń ádis - tásilderin, shańǵyny kútip ustaýdy teorıa júzinde úıretý. Sportqa degen qyzyǵýshylyǵyn arttyrý. Otanyn súıýge, elin, jerin qorǵaýǵa, adamgershilikke, uqyptylyqqa, salaýatty ómir saltyn ustanýǵa tárbıeleý.
Sabaqtyń túri: Dástúrli sabaq,
Sabaqtyń ádisi: syn turǵysynan oılaý tehnologıasynyń ádisteri, aqparattyq tehnologıa, túsindirý, asosıasıa ádisi, baıandaý, suraq - jaýap
Kórnekilikter: kompúter, ınteraktıvti taqta, jalaýshalar, jetondar, teledıdar, shańǵy, plakattar, sózjumbaq, emblemalar, oqýlyqtar
Pán aralyq baılanys: matematıka, fızıka, ádebıet, tarıh, ınformatıka.

Sabaqtyń barysy:
İ. Uıymdastyrý kezeńi. Amandasý,
Psıhologıalyq trenıń.
Deniń saý bolsyn deseń,
Uzaq ómir súrgiń kelse,
Jańa dostar tapqyń kelse,
Kóńilim sergek bolsyn deseń,
Zıandy ádetten aýlaq bolǵyń kelse,
Armanyńa jetkiń kelse,
Úlgili bolam deseń,
Taza bolam deseń,
Ónerli bolǵyń kelse,
Salaýatty ǵumyr keshem deseń,
Óz erkińe toqtaý salyp, sportpen shuǵyldan!

İİ. Úı tapsyrmasyn tekserý
Shańǵy qurylymy jáne ólshemderi: shańǵy tabany, shańǵy taıaǵy, shańǵy báteńkesi. (ólshemderdiń durystyǵyn teledıdardan qarap tekserý)
Qaýipsizdik erejeleri.

İİİ. Negizgi bólim: Qyzyǵýshylyqty oıatý.
Qysqy sporttyń túrleri: 1. Shańǵy sporty, 2. Kónkımen syrǵanaý, 3. Hokeı oıyny.
Shańǵy sportynyń túrleri: 1. Mánerlep syrǵanaý, 2. Bıatlon, 3. Tramplınnen sekirý. 4. Taý shańǵysy, 5. Qos saıys.
(ár sport túrine toqtalyp túsinik berip ketý)
Kategorıalyq toptastyrý.
Shańǵy tebýdiń ádis - tásilderi: 1. Taıaqsyz júrý, alma - kezek eki adymdy júris (tabıǵı júris), bir mezgildegi eki adymdy júris, kónkıshi júrisi. 2. Shyrsha ádisi, jartylaı shyrsha ádisi, saty ádisi. 3. Soqa tásili, syrǵanaı túsý.
(shańǵy tebýdiń ádisterine jeke - jeke toqtalyp vıdeodan kórsetý)

İV Jańa sabaqty bekitý.
Sózjumbaq sheshý: SHAŃǴYSHY 1. Taýǵa shyǵý ádisteriniń biri? (shyrsha) 2. Bıikke kóterilý ádisiniń biri? (soqa) 3. Shańǵy qurylymynyń biri? (báteńke) 4. Shańǵy neden jasalady? (aǵash) 5. Uly aqyn Abaı Qunanbaevtyń mezgilderge arnalǵan óleńderiniń biri? (qys) Oqýshylardan biletin shýmaqtaryn suraý. 6. jumbaq. Qaıqylyǵyna qaramas, Jalpaq taban qara aǵash. Qar bolmasa aýladan. Shyǵýǵa da jaramas. (shańǵy). 7. Bıiktikten túsý tásili? (saty)
«Shańǵymen baǵdarlaý» dıdaktıkalyq oıyn:
Jalaýsha arqyly suraqtarǵa jaýap berý:
1. Shańǵymen burylýdy kórset. 2. Shańǵyny alyp júrý ádisterin kórset.
3. Shańǵy taıaǵynyń ólshemi qandaı? 4. Shańǵy tabanynyń ólshemi qandaı?
5. Shańǵy sabaǵynyń qandaı qaýipsizdik erejelerin bilesiń? 6.(foto) shańǵymen burylýdaǵy qatelikti kórset? 7. Shańǵy sabaǵynyń qandaı qaýipsizdik erejelerin bilesiń? 8. Shańǵymen syrǵanaý túrlerin ata.
Elimizdegi shańǵy sportynan maǵlumattarmen tanystyrý. Azıada - 2011 qysqy sporttyq oıyndarynan málimetter keltirý, Elbasynyń shańǵymen túsken fotolary arqyly Shymbulaq taý shańǵysy bazasyna toqtalý. SOCHI - 2014 Olımpıada oıyndaryna elimizdiń týyn ustap baratyn Erdos Ahmadıevtiń «Aıtýǵa ońaı» baǵdarlamasyna bergen suhbatyn teledıdardan qysqasha kórsetý, elimizdiń sportshylaryna jeńis tileı otyryp oqýshylarǵa SOCHI - 2014 emblemalaryn taǵý.