InfoHub Logo

Mýzyka jetekshisi: Rahmetova Ádemi

Mýzyka áýenimen balalar zalǵa kirip, oryndyqtarynyń janyna kelip turady.
Júrgizýshi: Sálemetsizder me qurmetti qonaqtar, balalar! Búgin biz «Qazaqstan halyqtarynyń tilder merekesine» arnalǵan «Meniń ana tilim» atty taqyryptyq oqýymyzdy sizdermen bólispekpiz. Balalar, bir sát nazarymyzdy ekranǵa aýdaraıyq...
Til týraly slaıd kórsetiledi
Júrgizýshi: Balalar, osy ekrannan kórgen ult ókilderi bizge qonaqqa kelipti. Qonaqtardy qarsy alaıyq... (zalǵa qazaq, qyrǵyz, aǵylshyn, qytaı, orys, ózbek, monǵol kostúmderin kıgen balalar kelip turady)

Júrgizýshi: Sálemetsizder me, qonaqtar, tórletińizder! (kostúm kıgen balalar ózderi kıingen ult tilinde amandasyp, oryndaryna jaıǵasady)
Júrgizýshi: Qadirli, baǵasy altyn ana tili
Senimen baǵalanǵan bala túri
Tórt bólip tún uıqysyn jubatam dep
Senimen áldılegen anam meni – deı kele búgingi oqýymyzǵa arnaǵan balalarymyzdyń óleńderin tamashalaıyq...

Aıbek: Aqyl oıyn dananyń
Ana tilden alamyn.
Ana tilim ardaqty,
Aq sútindeı ananyń.
Gaýhar: Týǵan tilim tirligimniń aıǵaǵy,
Tilim barda aıtylar syr oıdaǵy.
Ósse tilim, men de birge ósemin,
Óshse tilim, men de birge óshemin.

Alınur: Súıemin týǵan tildi ana tilim,
Besikte jatqanymda - aq bergen bilim.
Shyr etip jerge túsken mınýtym sol,
Qulaǵyma sińirgen tanys únin.
Aıdana: Áldılegen anamnyń,
Aıasynda shalqydym.
Ana tili óleńim,
Terbetedi bóbegin.
Beıbarys K.: Ósirgen oı bilimdi,
Súıem týǵan tilimdi.
Maqsat etkem ár sózdi,
Mánin tereń bilýdi
«Anamnyń tili» áni
Júrgizýshi: Rahmet, botaqandarym. Adamzat mádenıetiniń negizi – tilde. Kez - kelgen ulttyń basty ereksheligi – onyń ana tilinde jatyr. Til – qaı ultta, qaı elde bolsa da qasterli, qudiretti. Kelesi balalarymyzdyń óleń shýmaqtaryna kezek bereıik...
Baǵjan: Ana tili aqylshym,
Asyratyn qıadan.
Maltyp júrip tereńin,
Marjandaryn teremin.