InfoHub Logo

Sabaqtyń taqyryby: Shegirtke men qumyrsqa

Sabaqtyń maqsaty:
1) A. Qunanbaev pen I. V. Krylov týraly qysqasha maǵlumat berý. I. V. Krylovtyń Abaımen aýdarylǵan mysaldardy eske túsirý. Mysaldardan qandaı ǵıbrat alatynymyzdy kórsetý. Shegirtke men qumyrsqa mysalynyń tárbıelik mánin, mazmunyn ashý. Mánerlep oqýǵa jattyqtyrý. Mysaldaǵy jándikterdiń minez - qulyqtary arqyly adam boıyndaǵy jaqsy-jaman qasıetterdi tanyp, baǵa berýdi úırený.
2) Sabaqta túrli ádis - tásilderdi qoldana otyryp oqýshylardyń oı - órisin, dúnıetanymyn keńeıtý, AKT arqyly shyǵarmashylyq qabiletterin damytý, óleńdi oqýǵa mashyqtandyrý, sózdik qoryn molaıtý.
3) Eńbekqorlyqqa baýlý, jalqaýlyqtan, erinshektikten aýlaq bolýǵa tárbıeleý.

Sabaqtyń ádis - tásilderi: baıandaý, «Pıramıda» ádisi, «Kartografıa» tirek syzbasy, Venn dıagramsy, satylaı keshendi taldaý tehnologıasy.
Pánaralyq baılanys: orys ádebıeti
Sabaqtyń kórnekiligi: A. Qunanbaev, I. Krylov sýretteri, flıpchart, ınteraktıvti taqta, qaǵazda bastyrylǵan óleńniń mátini (eki tilde), aqyndar týraly málimetter, kartochkalar.

Sabaqtyń barysy:
İ. Uıymdastyrý.
Oqýshylardyń nazaryn sabaqqa aýdarý.
Qaıyrly kún, qonaqtar
Qaıyrly kún, dostym,
Ashyq aspan bolsyn!
Beısenbiniń kúni, sáttilikke tolsyn!
Bizdiń alar baǵamyz,
Kileń bestik bolsyn!
(Oqýshylar hormen aıtady)

Oqýshylar eki topqa bólinedi.

İİ. Úı tapsyrmasy tekserý.
(Oqýshylarǵa A. Qunanbaev, I. Krylovtyń ómirbaıanyn oqyp kelý berilgen)
Muǵalim úı tapsyrmasyn tekserý úshin eki ádisti qoldanady. Birinshi ádisi «Kartografıa», ekinshisi – «Pıramıda» tirek - syzbany tolyqtyrý. Oqýshylarǵa mátinder taratylady. Olar kerek málimetti terip alyp syzbalardy tolyqtyrady, shyǵyp qorǵaıdy. Syzbalar A - 3 formatta syzyp beriledi.
• 1 top A. Qunanbaev týraly «Kartografıany» jasaıdy.
• 2 top I. Krylov týraly «Pıramıda» tirek - syzbany tolyqtyrady.
(Slaıdta kórsetilgen(prezentasıa))

İİİ. Jańa sabaq.
Muǵalim:
- Sonymen, endi aıtyńdarshy eki aqyndy ádebıettiń qandaı janry baılanystyrady.
- Durys, mysal janry.
Óleń mazmunymen tanyspas buryn meniń senderge qoıatyn birneshe suraqtarym bar.
İ top: Mysal týraly ne bilesińder?
İİ top: Abaıdyń Krylovtan aýdarǵan qandaı mysaldardy bilesińder?

Shegirtke men qumyrsqa. júkteý