InfoHub Logo

Búgin Sherzat isi boıynsha kezekti sot otyrysy ótti. Jıyn barysynda birneshe mańyzdy másele kóterildi:

• Sýdıa blogerlerge eskertý jasady. Ol sot prosesin áleýmettik jelide synaǵandarǵa qatysty alańdaýshylyq bildirdi.
• Kúdikti Darhan Áskentaıdyń qorǵaýshysy fotosy jelide taralǵanyn aıtyp, shaǵymdandy. Alaıda sýdıa 4 aıyptalýshy ǵana sýretiniń jarıalanýyna qarsy bolǵanyn, Áskentaıdyń buǵan qarsylyq bildirmegenin naqtylady. Aıyptalýshy bul derekti rastady.
• Advokattar prokýrordy aıyptady. Olardyń aıtýynsha, aıyptaý taraby keıbir derekterdi burmalap kórsetip jatyr.
• Nurbol Toqtaýbaev jaýap berdi. Ol tóbelestiń bastalýyna jábirlenýshilerdiń ózin kinálady.
• İsti qaıtarý týraly ótinish qabyldanbady. Advokattar isti prokýratýraǵa qaıta joldaýdy suraǵanymen, sýdıa bul ótinishti qanaǵattandyrmady.
• Kúlki daý týdyrdy. Proses barysynda kelýshilerdiń biri daýysyn shyǵaryp kúldi. Prokýror ol adamdy sot zalynan shyǵarýdy surady. Kelýshi "kúlkili bolǵan soń kúldik" dep jaýap berdi. Sýdıa oǵan tek eskertý jasaýmen shekteldi.