InfoHub Logo

Sherzat Polattyń ólimine baılanysty Taldyqorǵanda ótip jatqan sot prosesinde jábirlenýshi taraptyń advokaty Baǵdat Amandosuly isten shettetildi. Bul týraly ol ózi málimdeme jasap, prosesten tys kıkiljińder men "bılik talasy" zańgerlik jumysqa kedergi keltirip otyrǵanyn jetkizdi.

Advokattyń aıtýynsha, ol otbasynyń múddesin qorǵaý úshin jumys istegenimen, keıbir taraptardyń túsiniksiz talaptaryna tap bolǵan.

– Bireýler “men ǵana sóıleımin, men ǵana halyqqa kórinemin, men ǵana suhbat beremin, kim qarsy shyqsa – isten qýylady” degen kózqaraspen áreket etedi. Bul maǵan jat. Sot – shoý emes. Ol – dálelderdi tarazylaıtyn, quqyqtyq baǵa beriletin oryn, – dedi Baǵdat Amandosuly.

Sot prosesi men onyń tóńiregindegi jaǵdaı qoǵamnyń nazarynda qalyp otyr.