Sherzattyń qazasyna qatysty is qaıta qaralyp jatyr
Sherzattyń qazasyna qatysty is qaıta qaralyp jatyr,-dep habarlaıdy Infohab.kz.
Almaty oblystyq sotynda kópshiliktiń nazaryn aýdarǵan qylmystyq is boıynsha jańa sot otyrysy bastaldy. Bul joly marqum Sherzattyń qazasyna baılanysty sottalǵandardyń apelásıalyq shaǵymy qaralýda.
Marqumnyń otbasynyń advokaty Meıirman Shekeev málimdegendeı, apelásıalyq tyńdaý búgin saǵat 11:00-de bastaldy. Qorǵaýshynyń aıtýynsha, sottalýshylar aldyńǵy sot sheshimimen kelispeı, isti qaıta qaraýdy suraǵan.
Sherzattyń ólimi qoǵamda úlken rezonans týdyrǵan bolatyn. Buǵan deıin birinshi satydaǵy sot kinálilerge jaza taǵaıyndap, marqumnyń týystary ádilettiń ornaýyn talap etken edi. Degenmen, sottalǵandar men olardyń qorǵaýshylary úkimniń ádil emestigin alǵa tartyp, apelásıaǵa júgingen.
Búgingi sot otyrysynda negizgi apelásıalyq shaǵymnan bólek, is boıynsha ótken eki kýáger qyzǵa qatysty qylmystyq is te qaralýy tıis. Bul da taraptardyń erekshe nazaryn aýdaryp otyr.
Sherzattyń qazasy jurtshylyqtyń ashý-yzasyn týdyryp, áleýmettik jelilerde keńinen talqylanǵan. Qoǵam belsendileri men marqumnyń jaqyndary istiń ádil ári ashyq qaralýyn talap etip otyr.
Qazirgi tańda Almaty oblystyq sotynda tyńdaý jalǵasýda. Sot prosesiniń nátıjesi jaqyn kúnderi belgili bolmaq.
You Might Also Like
-
Pýtınniń 1994 jylǵy málimdemesi: Qazaqstannyń soltústigin "eshqashan shetel bolmaǵan" aımaq dep ataǵan
-
Búgin Shymkent qalasynyń qylmystyq ister jónindegi mamandandyrylǵan aýdanaralyq sotynda qala ákiminiń orynbasary Rýslan Berdenovke qarsy qarýly shabýyl isi boıynsha tyńdalym jalǵasty. Sotta ákimdik ǵı...
