InfoHub Logo

D. Serikbaev atyndaǵy Shyǵys Qazaqstan memlekettik tehnıkalyq ýnıversıtetinde otandyq sıfrlyq medısınany damytyp jatyr, dep oqý ornynyń baspasóz qyzmeti habarlaıdy.

Kelesi jyldan bastap oqý ornynda baǵdarlamalyq jasaqtamaǵa, servıstik qyzmet kórsetýge, jóndeýge mamandandyrylǵan, sondaı-aq medısınalyq qurylǵy óndirýshilermen (rentgen, ÝDZ, tomograftar jáne t.b.) birge jumys istesetin ınjener-medtehnıkter daıyndalatyn bolady.

Búginde elimizdegi eshqandaı oqý ornynda mundaı mamandar daıyndalmaıtyny atalyp ótildi. SHQMTÝ prorektory shaqyrǵan Klaýstal tehnıkalyq ýnıversıtetiniń profesory  (GFR) túsindirip ótkendeı, mundaı sheshim «Sıfrlyq Qazaqstan» memlekettik baǵdarlamasyn júzege asyrý aıasynda qabyldanǵan.

IT-dárigerler 2 baǵyt boıynsha oqytylmaq: medtehnıka jáne telemedısına. Jańa mamandarǵa SHQMTÝ oqytýshylary, Belarýs Respýblıkasy men Aýstrıa elderinen shaqyrylǵan mamandar sabaq beretin bolady.

«Qazaqstanda ınjener-medtehnıkter óte tapshy. D. Serikbaev atyndaǵy SHQMTÝ-dyń IT mamandyqtaryn meńgerip shyqqan túlekterdiń osy salada jumys isteýi úshin shetelderde qaıta oqyp kelip jatqanyn bilemiz. Endi jastardyń Qazaqstanda osy sala boıynsha bilim alýyna múmkindik týdy», - dep atap ótti profesor Talant Ryspaev.

---