Shynnan ózge Qudaı joq,
Anyq Qudaı – Shyn Qudaı.
Uqpaı qalma alań bop,
Shyn bolmasa, kim Qudaı?

Buryn shyn bar, búgin shyn,
Erteń shyn bar – úsh bólek.
Keregi joq bulardyń,
Buzylmaıtyn shyn kerek.

Shyn mahabbat qylýǵa,
Shyn sabyryń jete me.
Kóringen árbir sulýǵa
Kóńiliń tolqyp kete me?

Olaı bolsa, taza aqyl,
Áýlıelik sende joq.
Baıansyzǵa bári – qul,
Jyndanbaǵan pende joq.

Áýlıedeı asyqtyń,
Qasıetin bylǵaısyń.
Qylyǵyn qylyp jastyqtyń,
Bir qalypta turmaısyń.

Álde saıtan, álde jyn,
Birin tastap, birin min.
Adam emes – aıýansyń,
Nege tursyn sende shyn?

---