InfoHub Logo

Sol zamandaǵy sırek kezdesetin qubylys-eki ǵashyqtyń súıip qosylýy. Sársenbaı men Sholpan bir-birin qatty jaqsy kóretin mahabbat jarshylary. Biraq, bul mahabbat Sholpannyń oıynyń áserinen sýyndy. Alǵash kelin bolyp júrgende, Qudaıdan "bala bolmasa" eken dep jalbarynatyn. Ol bala eki ǵashyqty eki jaqqa bólip jiberedi dep oılady. Arada 3 jyl ótedi. Ekeýiniń mahabbaty artpasa, kemigen emes. Osyndaı pasyq oılardan, kóp otbasy baqytyna syzat túsip jatyr. Sholpan bala kerek ekenin túsindi. "Balaly úı bazar, Balasyz úı mazar", -degendi túsine bastady. Namaz oqyp, boıyn taza ustap, molda atanýǵa deıin bardy. 8 jyl osylaı júrdi. Biraq, Sársenbaıdy bedeý dep túıdi. Oıyna kúnáli oılar kelip, qaıyn inisimen kóńildestik qyldy. Sholpannyń boıyna bala darysa da, ekeýi birge bolýyn toqtatpady. Árıne, "qazannan qaqpaq ketse, ıtten uıat ketedi" emes pa? Sársenbaı Sholpannyń isin bilip, tepkiniń astyna aldy. Otbasylyq ómirge qadam basqannan keıin adamdar bir-birine adal bolý kerek. Bul jerde, Sholpan men Sársenbaı ózderin mazalap júrgen túıtkildi  suraqtaryn, bir-birine degen aıta almaǵan áńgimelerin, birge otyryp sheshý kerek edi. Syrlasý kerek edi. Bir-birin túsinbegendikten, otbasy arasyna syzat tústi.

"Bireýler Qudaıdan bala tileıdi. Ol balany ne qylady?Ólsem ornymdy bassyn deıdi, artymnan quran oqysyn deıdi, qartaıǵan kúnimdi asyrasyn deıdi", -degen Abaıdyń onynshy qara sózi esime túsip tur. Balanyń orny árqashanda bólek ekenin uǵynsaq deımin.  

Turǵanbek Bıbifatıma

---