InfoHub Logo

Bıyl Ulttyq biryńǵaı testileý nátıjesi boıynsha belgilengen shekti bal deńgeıi qandaı. Osy oraıda Bilim jáne ǵylym mınıstrliginiń baspasóz qyzmeti túsinik berdi.

Pedagogıkalyq mamandyqtar boıynsha bilim berý grantyn taǵaıyndaý konkýrsyna qatysý úshin UBT-nyń shekti baly 75-ke deıin ulǵaıtyldy.

Bilim berý grantyn taǵaıyndaý konkýrsyna qatysý úshin nemese aqyly negizde oqýǵa túsý úshin:

«Pedagogıkalyq ǵylymdar» salasy boıynsha keminde 75 bal;

Densaýlyq saqtaý jáne áleýmettik qamtamasyz etý (medısına)» salasy boıynsha keminde 65 bal;

«Aýyl sharýashylyǵy jáne bıoresýrstar», «Veterınarıa» bilim berý salalary boıynsha keminde 60 bal;

Ulttyq joǵary oqý oryndaryna túsý úshin – keminde 65 bal, al basqa joǵary oqý uıymdaryna keminde 50 bal qajet.

Aıta keteıik, pedagog mamandyǵyn tańdaǵan «Altyn belgi» ıegerleriniń sany eki esege artqan.

Taratylǵan málimetke qaraǵanda, memlekettik bilim grantyn taǵaıyndaý konkýrsyna qatysý úshin UBT 15 sáýirde bastalyp, 30 maýsymǵa deıin jalǵasady. Testileý alǵash ret elektrondyq formatta ótedi.

QR BǴM Ulttyq testileý ortalyǵynyń dırektory Dıdar Smaǵulovtyń aıtýynsha, jalpy, test tapsyrmalarynyń sany ózgermedi, 5 pán qaldy.

«Eki beıindi jáne úsh mindetti pán qamtylady. Test tapsyrmalaranyń sany – 120, onyń ishinde Qazaqstan tarıhy boıynsha – 15, matematıkalyq saýattylyq boıynsha – 15, oqý saýattylyǵy– 20 jáne eki beıindik pánnen 35 tapsyrmadan beriledi», - dep toqtaldy ol.

---