InfoHub Logo

Shý qalasynda adam sengisiz jaǵdaı oryn aldy. Jergilikti aýrýhananyń dárigerleri júkti áıeldiń ólimin jasyrmaq bolǵan, dep habarlaıdy Infohub.kz aqparat agenttigi Todayinfo.kz ınstagram akkaýntyna silteme jasap.

5 naýryz kúni júktiliktiń 34-shi aptasynda bolǵan kelinshek túsik qaýpimen Shý qalasyndaǵy kópsalaly aýrýhanaǵa túsken. 9 naýryz kúni keshke onyń jaǵdaıy kúrt nasharlap, komaǵa túsedi. Dárigerler 10 naýryzda shuǵyl ota jasap, ishte shetinegen náresteni alǵan. Alaıda kelinshek esin jımastan, eki kúnnen keıin jan tapsyrǵan.

Qaıtys bolǵany týraly eshqandaı resmı málimdeme jasalmaǵan. Polısıaǵa da, oblystyq densaýlyq saqtaý basqarmasyna da habar berilmegen.

Marqumnyń kúıeýi áıelin jansaqtaý bóliminen tappaı, aýrýhananyń túkpir-túkpirin aralap izdegen. Aqyry, kúdikti ıis shyqqan baǵytqa bara jatyp, áıeliniń isip ketken denesin aýrýhananyń tehnıkalyq jertólesinen taýyp alǵan.

Bul oqıǵanyń eń soraqy tusy – dárigerler máıitti arnaıy máıithanaǵa tapsyrýdy da oılamaǵan.

Atalǵan oqıǵa qoǵamda úlken shý týǵyzdy. Densaýlyq saqtaý salasyna degen senimge selkeý túsirip, medısına qyzmetkerleriniń jaýapkershiligine qatysty kóp suraq týyndady. Quqyq qorǵaý organdary men densaýlyq saqtaý basqarmasy bul jaǵdaıǵa qatysty qandaı shara qoldanatyny ázirge belgisiz.