Shymkent ákimi Jeńistiń 80 jyldyǵyna oraı qos ardagerge kólik tabystady
Shymkentte Uly Jeńistiń 80 jyldyǵy qarsańynda soǵys ardagerlerine qurmet kórsetildi. Qala basshysy Ǵabıt Syzdyqbekov búginde tiri qalǵan eki maıdanger — Nına Egorovna Mosýnova men Murataly Tólepbergenulyn arnaıy quttyqtap, olarǵa jańa avtokólikterdiń kiltin tabystady.
Ardagerlerge Memleket basshysy men Qorǵanys mınıstriniń quttyqtaý hattary men «Jeńiske 80 jyl» merekelik medaldary tapsyryldy. Qala aýmaǵynda qos jaýyngerge arnalǵan sherýler uıymdastyrylyp, erlikterine taǵzym jasaldy.
98 jastaǵy Nına Mosýnova — Tatarstanda dúnıege kelip, maıdanǵa telegrafıst retinde attanyp, zenıttik bólimde radıser komandıri bolǵan. Soǵystan keıin Shymkentke qonys aýdaryp, túrli mekemelerde eńbek etti. Ol — bir balanyń anasy, eki nemere men bes shóbereniń ardaqty ájesi.
Al 99 jastaǵy Murataly Tólepbergenuly — Jaskeshý aýylynda týyp, 18 jasynda soǵysqa attanǵan. Brestten Germanıaǵa deıingi shaıqastarǵa qatysyp, Jeńisti Bıttenberg qalasynda qarsy alǵan. Elge 1950 jyly oralǵan ardagerdiń jadynda maıdan joly áli kúnge jańǵyryp tur.
You Might Also Like
-
Qazaqstan ǵylymy men ádebıettaný salasyna ólsheýsiz úles qosqan kórnekti ǵalym, ádebıettanýshy, fólklortanýshy, Ulttyq Ǵylym akademıasynyń akademıgi, fılologıa ǵylymdarynyń doktory, Memlekettik syıly...
-
Sherzat Polattyń ólimine qatysty ótip jatqan sot otyrysynda kúdiktilerdiń advokattary isti júrgizip jatqan prokýror Dana Sársenbaıdy aýystyrýdy surady. Olardyń aıtýynsha, prokýror sotta daýys kóterip...
