InfoHub Logo

Shymkentte 36 jastaǵy muǵalim 7 jasar oqýshyǵa seksýaldyq sıpattaǵy áreket jasady degen kúdikpen ustaldy. Polısıa qylmystyq is tirkelgenin rastady.

Bul týraly Infohub.kz aqparat agenttigi habarlaıdy.

«Zorlap tizesine otyrǵyzdy»

Telegram-daǵy «Krımınaldy Qazaqstan» arnasynyń habarlaýynsha, oqıǵa 25 aqpanda sabaq kezinde bolǵan. Anasynyń aıtýynsha, qyzy úıge qapa bolyp kelip, aýyrǵanyn aıtqan. Keıinnen bala oqıǵany baıandap bergen: muǵalimi partasyna kelip, zorlap tizesine otyrǵyzyp, bosatý týraly ótinishke qaramastan ustap otyrǵan.

«Mama, maǵan tómen jaǵym aýyryp tur. Muǵalim partama kelip, basymdy óziniń tómengi jaǵyna qysty. Qatty birdeńe aýzyma tıdi», - dep keltiredi ananyń sózin atalǵan arna.

Qyzdyń anasynyń aıtýynsha, er adam balany kıimi arqyly ustap, qysyp otyrǵan. Qyz turǵysy kelgende jáne aýyryp turǵanyn aıtqanda, ol qolynan ustap, jibermegen. Ata-ana mektep ákimshiligine júgingen. Alaıda, ananyń aıtýynsha, dırektor dereý beınebaqylaý jazbalaryn berýden bas tartqan. Polısıa shaqyrylyp, tıisti departamentke júgingennen keıin ǵana vıdeo qolǵa túsken.

Muǵalim óz áreketin túsindire almady

Ata-ananyń aıtýynsha, kadrlarda muǵalimniń qarsylyq bildirgen qyzdy tizesine otyrǵyzǵany kórinedi. Olardyń sózine qaraǵanda, muǵalimniń ózi kezdesýde bolǵan jaǵdaıdy túsindire almaǵan. Shymkent qalalyq polısıa departamentinde áıeldiń aryzy boıynsha qylmystyq is qozǵalǵany habarlandy.

«Tergeý-jedel toby oqıǵanyń barlyq mán-jaıyn jan-jaqty, tolyq jáne obektıvti anyqtaýǵa baǵyttalǵan keshendi sharalardy júrgizýde. Beınebaqylaý jazbalary zerdelenip, kýágerler men basqa da tulǵalardyń jaýaptary alynýda, barlyq dálelder tekserilip, alynǵan materıaldar men faktiler salystyrylýda», - dep jaýap berdi polısıa.

Vedomstvo tergeý barysynyń departament basshylyǵynyń erekshe baqylaýynda ekenin jáne barlyq tergeý áreketteri zańǵa sáıkes júzege asyrylatynyn atap ótti.