InfoHub Logo

Shymkentte 75 jastaǵy er adamnan sibir jarasy (sıbırskaıa ıazva) anyqtaldy. Aldyn ala boljam boıynsha, naýqas naryqtan satyp alǵan et ónimderinen juqtyrýy múmkin.

Bul týraly Infohub.kz aqparat agenttigi habarlaıdy.

İndettiń taralý joldary anyqtalýda

Keıinnen anyqtalǵandaı, aýrýǵa shaldyqqan naýqasqa arnalǵan etti fermerlerdiń biri ákelgen. Ol barlyǵy alty bas iri qara mal soıyp, onyń etin qalanyń saýda oryndaryna taratqan.

Alaıda, mal ıesi ózine tıesili bordaqylaý alańyn tekserýge mamandardy jibermeı otyrǵany aıtylady.

Naýqas aýrýhanaǵa jatqyzyldy

Mamandar qazir indettiń taralýynyń yqtımal joldaryn anyqtaýǵa kiristi. Naýqas aýrýhanaǵa jatqyzylyp, dárigerlerdiń baqylaýynda.

«Aýrýhanaǵa túsken sátten bastap naýqasqa tolyq keshendi tekserý júrgizildi. Qajetti zerthanalyq jáne aspaptyq zertteýler taǵaıyndaldy. Olardyń nátıjeleri boıynsha ınfeksıalyq aýrý dıagnozy rastaldy», - dep túsindirdi Shymkent qalalyq densaýlyq saqtaý basqarmasynyń baspasóz qyzmeti.

Emdeý hattamaǵa sáıkes júrgizilip jatqany aıtyldy.