InfoHub Logo

Shymkent qalasyndaǵy «Vostok» yqsham aýdanyndaǵy páterlerdiń birinen bir otbasynyń úsh múshesiniń máıiti tabyldy. Bul týraly qalalyq Tótenshe jaǵdaılar departamenti habarlady.

Bul týraly Infohub.kz aqparat agenttigi habarlaıdy.

Turǵyndar habarlasqan

Vedomstvo málimetinshe, qutqarýshylarǵa marqumdardyń kórshileri habarlasqan. Olar birneshe kún boıy páter ıelerimen baılanysa almaǵan.

«8 aqpan kúni saǵat 16:36-da 112 jedel qyzmetine páter ıeleriniń uzaq ýaqyt boıy baılanysqa shyqpaı, esikti ashpaı qoıǵany týraly habarlama kelip tústi. Oqıǵa ornyna jedel-qutqarý jasaǵynyń brıgadasy jiberildi. Esikti ashqannan keıin qutqarýshylar páter ishinen úsh adamnyń máıitin tapty», - dep habarlady TJD.

Gazben ýlanýy múmkin

Qazirgi ýaqytta tıisti qyzmetter jumyldyrylyp, oqıǵanyń mán-jaıy anyqtalýda. Aldyn ala aqparat boıynsha, bul qaıǵyly jaǵdaı tabıǵı gazben ýlaný saldarynan bolýy múmkin. Máıitterde zorlyqpen óltirý belgileri tabylmaǵan.

Buǵan deıin Aqtóbe qalasyndaǵy jeke turǵyn úılerdiń birinen áıel men úsh kámeletke tolmaǵan balanyń máıiti tabylǵany habarlanǵan bolatyn. Sol kezde de ólimniń sebebi tabıǵı gazben ýlanýy múmkin degen boljam aıtylǵan edi.

Qazirgi ýaqytta sotqa deıingi tergeý bastaldy. Saraptama qorytyndylary boıynsha túpkilikti sheshim qabyldanady.