InfoHub Logo

Shymkenttegi Samal-3 shaǵynaýdanynda ınternet jelisin júrgizý kezinde úlken apat oryn aldy. 30 sáýir kúni júrgizilgen kóldeneń burǵylaý barysynda jer astyndaǵy orta qysymdy gaz qubyry zaqymdanyp, saldarynan 2800-den astam úı men 15 áleýmettik nysan kógildir otynnan ajyrady.

Apat týraly dabyl túse sala saǵat 13:01-de oqıǵa ornyna jetken avarıalyq brıgada "ALTA" JSHS mamandarynyń júrgizgen burǵylaý jumystary kezinde polıetılen qubyrdyń búlingenin anyqtady. Qaýipti jaǵdaıdyń aldyn alý maqsatynda "Samal-3" gaz taratý pýnktiniń aldyndaǵy 150 mm dıametrli zadvıjka jabylyp, gazdyń taralýy dereý toqtatyldy. Mamandar 50 metr radıýsta gazdyń qaýipti deńgeıde shoǵyrlanbaǵanyn málimdedi.

Zaqymdanǵan gaz qubyry Shymkent qalasynyń turǵyn úı-kommýnaldyq sharýashylyq basqarmasynyń qaramaǵynda ekeni belgili boldy. Qazir apattyń saldary joıylyp, jaǵdaı turaqtandyrylǵan soń ǵana gaz berý qaıta iske qosylady. Qosymsha málimet gaz qosý ýaqytyna qaraı habarlanatyn bolady. Osy oraıda mamandar turǵyndarǵa qaýipsizdik úshin gaz qurylǵylaryndaǵy shúmekterdi jabýdy eskertti.

Oqıǵa ornynda tártipti qamtamasyz etý maqsatynda Abaı aýdandyq polısıa basqarmasynyń qyzmetkerleri de jumys atqarýda.