tengrinews.kz
Shymkentte zańsyz kóshi-qon uıymdastyrǵan qylmystyq top ustaldy
Shymkent qalasynda zańsyz kóshi-qondy uıymdastyrýmen aınalysqan qylmystyq toptyń áreketi toqtatyldy. Bul týraly İshki ister mınıstrligi málimdedi.
Bul týraly Infohub.kz aqparat agenttigi habarlaıdy.
Uıymdasqan toptyń áreketi
Qylmystyq top shetel azamattaryn Qazaqstan aýmaǵyna kirgizip, olardyń zańsyz júrýine jaǵdaı jasap otyrǵan. Bul úshin olar aqsha alǵan. Jalǵan qujattar men eńbek kelisimsharttaryn rásimdeý arqyly zańsyz joldardy paıdalanǵan.
Tintý jáne ustaý sharalary
Jedel-izdestirý sharalary barysynda 28 tintý júrgizildi. Quqyq qorǵaý organdary ondaǵan sheteldik pasport, kompúter tehnıkasy, baılanys quraldary, sondaı-aq jalǵan qujattar men blankiler tárkiledi. Odan bólek, aıtarlyqtaı somadaǵy aqsha men tirkelmegen qarý-jaraq tabyldy.
Qylmystyq toptyń uıymdastyrýshysy ýaqytsha ustaý ızolátoryna qamaldy. Zańsyz áreketterge qatysy bar 13 adam polısıaǵa jetkizildi. Ustalǵandarǵa qatysty zańsyz kóshi-qondy uıymdastyrǵany úshin sotqa deıingi tergeý bastaldy.
Buǵan deıin qańtar aıynda İİM Qazaqstannyń birqatar óńirinde júrgizilgen arnaıy operasıalar týraly habarlaǵan bolatyn. Sol kezde zańsyz kóshi-qonmen jáne memlekettik shekarany zańsyz kesip ótýmen aınalysqan qylmystyq toptardyń áreketi toqtatylǵan edi.
-
Mıllıarder Ilon Mask vyskazalsá o rezýltatah parlamentskıh vyborov v Vengrıı, zaıavıv o vlıanıı fondov Djordja Sorosa na formırovanıe novoı vlastı.
-
Authorities in Shymkent have dismantled a criminal group involved in facilitating illegal immigration into Kazakhstan, seizing documents and cash.
