InfoHub Logo

Taqyryby: «Syr suhbat»
Maqsaty: Kezdesýge shaqyrǵan adamnyń jańa qyrlaryn bilý, oqýshylarǵa úlkendi sılaýǵa, tapsyrmany oryndaýǵa, basqalardyń balalyq shaǵymen óz ómirin salystyryp, ómirge, adamdar arasynda bolatyn túrli jaǵdaılarǵa basa nazar aýdaryp, olar ıgergen mamandyq túrlerin bilip, túsinip, óz betinshe oı qalyptastyryp, jańa ómirge, mamandyqqa, beıimdilikke tárbıeleýge úıretý.

Keshtiń qonaǵy: mektebimizdiń dırektory - Ýbaev Lepes aǵaı.
Keshtiń alǵashqy betashar sózi.
Qurmetti ustazdar, oqýshylar, qonaqtar!
Bizdiń búgingi keshimiz ustazdar merekesine oraı uıymdastyrylǵan. Merekeniń barlyǵy jaqsy, biraq bul ustazdar merekesiniń orny basqalardan erekshe. Ortamyzǵa ustazdardyń ustazy, mektebimizdi kóp jyldardan beri basqaryp, bizdiń balalarymyzdyń azamat bolyp, óz oryndaryn tabýǵa úlesin qosyp kele jatqan aǵaıymyzdy shaqyryp qonaq etkeli otyrmyz. Keshimiz suhbat retinde ótedi, arnaıy suraqtar daıyndadyq, tapsyrmalarymyz oryndalady dep oılaımyz, aǵaı ortaǵa kelińiz, tórge jaıǵasyńyz.
Qonaq arnaıy daıyndalǵan orynǵa otyrady.

Ustazdyń ottaı ystyq alaqany,
Árqashan oılaıtyny bala qamy.
Baladan ustazyna myń - san alǵys,
Óıtkeni ustazynyń aq armany.
Esenjanova Symbattyń oryndaýynda «Ákeme» áni oryndalady.
Ustazdy alyp dese, sıady shyn,
Basqaǵa qalaı ǵana qıady ishiń.
Shákirti báıgelerden ozyp kelse,
Jar salar jasyra almaı qýanyshyn.

Sók meıli, sen olardy, sókpe meıli,
Laıyq meniń balam erge deıdi.
Ustazyń bir sabaqtan «munyń ne» dep,
Baladaı bir - birine ókpeleıdi.

Ol meniń «ulym menen, qyzym» deıdi,
Estise olar jaıly eleńdeıdi.
Otyrar tilekshiń bop, eseıseń de,
Qaıyrylyp qalmasynshy «kemeń» deıdi.

Oqýshylar kesh qonaǵyna mynandaı suraqtar qoıdy.
Suraqtar:
1. Balalyq shaqtan esińizde ne bar?
2. Týǵan jer sizge nesimen ystyq?
3. Jas kezińizde buzyq boldyńyz ba?
4. Úıdegi jeńeshemizben birge oqypsyz, ol kisiniń qandaı qası eti unady?
5. Balalaryńyzdyń ishinde ereksheleıtinińiz bar ma?
6. Soǵysqa qatysqan ákeńiz jaıly aıtyńyzshy?
7. Aldaǵy armandaryńyz jaıynda aıtyńyzshy?
8. Ádebıetshi, qazaq tiliniń mamany ekensiz óz janyńyzdan shyqqan shyǵarma bar ma?
9. Syılasatyn dostaryńyz kimder?
10. Alǵashqy ustazyńyz kim edi?
11. Tóbelesip kórdińiz be?
12. Alǵashqy ustazyńyz kim edi, biz tanımyz ba?
13. Estýimizshe qolyńyzdan dombyra tartý, ustalyq, ásemdep jazý keledi eken, taǵy qandaı qyryńyz bar?
14. Án salyp berińizshi?
15. Tamaq istep kir jýýǵa qalaısyz?
Kesh qonaǵy osy suraqtardyń barlyǵyna balalyq shaqtan beri qaraı ómiri jaıly, basynan ótken oqıǵalar jaıly, ómirden túıgenderi jaıly áńgimeledi.
Qosymsha tapsyrmalar berildi.
Oıý oıdy, dombyra tartty, ásemdep jazyp qoltańbasyn qaldyrǵan ýaqyttaǵy jazýlaryn kórsetti.
«Ákeme» ánin arnap, oqýshylar qosyla án aıtty.
Smaılıkter arqyly keshten alǵan áserin, kóńil - kúıin kórsetti.
Ustazymen oqýshylar bolyp eskertkish sýretke tústi.

Sońynda muǵalimniń qorytyndy sózi.
Sonymen búgingi keshtiń qonaqtary, ustazdar, oqýshylar, qonaqtar! Bizdiń ortamyzda júrgen aǵaıymyzdyń kóp qyryn, ónerin úlkender bilgenmen oqýshylarymyz bile bermeıtin edi. Búgin aǵamyzdyń da esine kóp nárseler túsip, bizge jaqsy - jaqsy áńgimelerin aıtty. Bile bermeıtin jaqtarymyz kóp eken, jaqsy bir suhbattyń kýási boldyq, aǵaı sizge rahmet.
Ónerińizdi kórdik, balalarymyzǵa áńgimeńizdi aıttyńyz, bizden eskertkish bolsyn dep, syılyǵymyzdy berdik.
Kesh osylaı máresine jetti.