InfoHub Logo

Ánshi Sıvı Mahmýdı ónerdegi áriptesteriniń keıbir áreketterine renishti ekenin jasyrmady. Ol bul týraly bergen suhbatynda aıtty. Ánshiniń aıtýynsha, ákesi kezinde kóptegen óner adamdaryna qoldaý kórsetken, alaıda keıin olardyń keıbiri jaǵdaı surap kelmeı ketkenine qynjylady.

Bul týraly Infohub.kz aqparat agenttigi habarlaıdy.

Ákeme baryp kómek suraıtyn ánshiler kóp

«Ákemniń kómegine júginetin ánshiler kóp. Kezinde talaı ánshige kómektesken. Attaryn atamaı-aq qoıaıyn. Biraq keıin ózim “múlde kómektespeńiz” dep aıttym. Sol adamdardyń bireýi de jaǵdaı surap kelmedi. Eshkimnen aqsha kútpeısiń ǵoı. Tek ákem “toıǵa kelip án aıtyp ketshi” dep ótinish aıtqanda telefondaryn almaıtyndary bar», – deıdi Sıvı Mahmýdı.

Ánshi mundaı jaǵdaılarǵa ashýlanatynyn da jasyrmady. Onyń sózinshe, keıbir adamdar tikeleı ákesine habarlasyp, kómek suraı beredi. Biraq olar Sıvı arqyly emes, ózderi nómirin taýyp alyp barady eken.

Burynǵy kúıeýimen qarym-qatynasy

Suhbat barysynda Sıvı Mahmýdı burynǵy kúıeýi men balalarynyń qarym-qatynasy týraly da aıtyp ótti. Onyń aıtýynsha, ajyrasqannan keıin balalaryn izdep kelgen burynǵy kúıeýimen kezdesýlerden keıin, balalardyń ózderi «biz shyqpaımyz» degen sheshim qabyldaǵan. Sodan beri bes jyl boıy ákesimen múlde kezdesken joq, aralaspaıdy, habarlaspaıdy, eshqandaı kómektespeıdi, tipti alıment te tólemeıdi eken.