InfoHub Logo

Almaty oblysy, Alakól aýdany,
Úsharal qalasy, Talapker orta mektebiniń
bastaýysh synyp muǵalimi
Karıjanova Raýshan Akajanovna

Sabaqtyń taqyryby: Syılasań - syıly bolasyń

Sabaqtyń maqsaty:
1. Dos, týys, jaqyn adamdar arasyndaǵy ózara syılastyq týraly túsinikterin keńeıtý
2. Dos, týys, jaqyn adamdaryna degen súıispenshiligin arttyrý
3. Dostyq, týystyq, syılastyq qarym - qatynas jasaı bilýge tárbıeleý
Kórneki quraldar: Sújetti sýretter
Muǵalim balalarmen birge sheńberge turady, jaqyn adamdaryna arnap jaqsy tilek aıtýlaryn uıymdastyrady.

Dáıeksóz
Muǵalim taqtaǵa «Ózińdi syılasań - syıymdy bolarsyń» dep jazyp qoıady.
Mátinmen jumys
«Syılaý» Á. Tabyldıevtiń áńgimesin oqý, Oqýshylarmen mátin boıynsha berilgen suraqtarǵa jaýap alý
*Balalar syılastyq degendi qalaı úsinesińder?
*Úlkenderge qurmet kórsetken kezde qandaı sezimde boldyńdar?
*Al kishige ne úshin qamqor bolý kerek dep oılaısyńdar?

Shyǵarmashylyq jumys
«Syılaımyn óz úıimdi» taqyrybynda óz oılaryn aıtady. Suraq - jaýap ádisin qoldaný
Oıyn - jattyǵý
1. «Kún shýaǵy» atty oıyny oqýshylardyń syılastyq qarym - qatynas jasaı
bilý daǵdylaryn tolyqtyra túsedi.
Úlkender
↓
Oryn berý
qurmetteý
til alý
syılaý
kómektesý
qadirleý
tyńdaı bilý
syılyq jasaý t. b.

Dáptermen jumys
Úıge berilgen rebýsty sheshý, bos tor kózderdi toltyrý.
«DOSTYQ - SYILASTYQTAN BASTALADY.»
Oqýshy óziniń qasynda otyrǵan dosyn, nemese eń jaqyn týysyn sıpattaıdy.
Oǵan qandaı qurmet kórsetedi, aralarynda qandaı syılasymdylyq bar?
TÝYS
OQÝSHY
DOS

2. Oıyn: «Syılasa bilesiń be?»
Muǵalim syılastyqty bildiretin, syılastyqty bildirmeıtin sózderdi aralastyryp, aldyn ala sóz tirkesteriniń tizimin qurastyrady. Oqylǵan sóz tirkesterin balalar oıyn barysynda «durys» dep tapsa, qoldaryn shapalaqtaıdy. Eger «burys» dep tapsa, alaqandaryn eki jaqqa jaıady.
- úlkenderge birinshi bolyp sálem berý
- kishilerdi jábirleý
- úlken kisiniń aıtqanyn tyńdaý
- úlkenderdiń sózin bólý

Qorytyndylaý

Sabaq barysynda meńgergen bilimderi muǵalimniń kómegimen tujyrymdalady.
- Syılastyq – adamdar arasyndaǵy izgi qarym - qatynas. Adamdardy syılaı bilý úlken adamgershilikti bildiredi. Ol adamdardyń áreketinen kórinedi. Adamdardy syılasań, olar seni syılaıdy. Osyndaı syıly qarym - qatynastan adamdar qýanyshty, tatý - tátti ómir súredi.

Júrekten júrekke
A. Meńjanovanyń «Bolaıyqshy osyndaı» ánin úırenip, aıtý
Jaqsy bala eńbekshil,
Er azamat bolady
Qıyndyqty jeńip kil
Qushaǵy gúl tolady
Q/sy

Taza bala muntazdaı Eńbekshil osyndaı
Súısinedi qaraǵan Bolaıyqshy dosym - aı.
Uqypty dep bul qandaı
Jaqsy kórer bar adam