InfoHub Logo

QR Bilim jáne ǵylym mınıstrligi joǵary jáne joǵary oqý ornynan keıingi bilim departamentiniń dırektory Gúlzat Kóbenovanyń aıtýynsha, búginde ýnıversıtet jataqhanasyndaǵy oryndy «elektrondy úkimet» portaly arqyly alýǵa múmkindik bar.

«Búginde jataqhana oryndaryn bólý máselesi memlekettik qyzmetke jatady. Sondyqtan árbir joǵary oqý orny tártip boıynsha ózderinde bar oryndardy taratady. Artynan bizge esebin berip otyrady», - dedi Kóbenova QazAqparat tilshisine bergen suhbatynda.

Onyń sózine qaraǵanda, arnaıy aqparattyq júıede kim jáne qaı jerden oryn alǵany kórsetilýi kerek. Al erejege sáıkes, jataqhana orny aldymen memlekettik grant ıegerlerine, sondaı-aq áleýmettik jaǵynan az qamtylǵan otbasy múshelerine beriledi. «Osy sharalar memlekettik qyzmet bolǵasyn, stýdent óz ótinishin «e-gov» portaly bere alady, ıa bolmasa ýnıversıtettiń ózine berýge múmkindik bar. «Elektrondy úkimet» portalyna ótinish tapsyrǵanda, mindetti túrde tıisti qujattar bolýy kerek. Sonyń negizinde tapsyrys ýnıversıtettiń ózine túsedi. Belgili bir ýaqyttyń ishinde oǵan jaýap berilýi tıis», - dep atap kórsetti departament basshysy.

Aıta keteıik, Qazaqstannyń sybaılas jemqorlyqqa qarsy strategıasynda jataqhanalardy taratýdyń elektrondy júıesin engizý mindeti bar. Oǵan QR Bilim jáne ǵylym mınıstrligi jaýapty.

QazAqparat

---