InfoHub Logo

Keıbir adamdarmen aqylǵa qonymdy dıalog qurý múmkin emes. Solarlyń deńgeıge túsip, aıtysqa kirisip ketpes úshin, myna keńesterdi paıdalanyp kórińiz.

1. Syndy aldyn ala boljaýǵa tyrysyńyz. 

Eger siz prezentasıa kórsetip nemese sóz sóıleıtin bolsańyz, onda qaı tarmaqtar tyńdaýshylardyń synyna ushyraýy múmkin ekendigin oılap kórińiz. Sizge buryn da uqsas eskertpeler jasalǵan bolýy múmkin. Ne aıtatynyńyzdy aldyn ala josparlańyz. Jaýabyn daıyndap alǵan soń, sizge jaǵymsyz sózderge jaýap berý ońaıraq bolady. 

2. Dereý jaýap qaıtarmańyz 

Ashýlanbańyz jáne asyǵys jaýap bermeńiz. Stakanǵa sý quıyp, oıyńyzdy jınaqtap, aıtý kerek sózderdi iriktep alyńyz. 

3. Dostyq lebizdi jalpyǵa ortaq sózdermen bastańyz. 

Djobs synǵa jaýap berý úshin, kópshiliktiń aldyna shyqqan bir kórsetiliminde, mynandaı sózdermen bastady: «Birdeńeni ózgertýge tyrysqan kezde, eń qıyn kedergilerdiń biri — osyndaı suraqttardy qoıatyn adamdardyń aıtqany bir jaǵynan durys bolýynda». Ol óziniń jaýabyn jumsartyp, bir qaraǵanda oponentpen kelisip turǵandaı kórinedi, alaıda kelesi sózderinen olaı emes ekendigin túsinesiń. 

Siz qarsylasyńyzdyń oıymen múldem kelispeı tursańyz da, árqashan jaýabyńyzdy bolymdy túrde bastańyz.

4. Estigińiz kelgen suraqqa jaýap qaıtaryńyz 

Djobsqa baǵdarlamalaý tilderinen jáne jeke ómirine qatysty naqty suraqtar qoıylǵanymen, ol oǵan pikir bildermeı, jalpyǵa ortaq suraqtarǵa jaýap berdi.

Bul saıasatkerlerdiń árdaıym jasap júrgen klasıkalyq tásili.

5. Sońynda ózińizdiń qatelikterińizdi moıyndańyz, biraq komandańyzdy da qoldańyz 

Siz ózińizdiń eń basty jankúıeri bolýyńyz kerek. Ásirese bastapqy, tek ózińiz ben komandańyzǵa ǵana arqa súıeı alar kezde. Jiberilgen qatelikterińizdi moıyndańyz, qandaı sabaq alǵanyńyzdy aıtyńyz, odan keıin mindetti túrde siz jáne komandańyzdyń kóp jumys isteıtinin aıtyp ketińiz, jáne ne úshin qoldaýǵa laıyq ekendigin atap ótińiz. 

Adamdar qajyrly eńbekti baǵalaýǵa úırenip qalǵan, sondyqtan siz sony atap ótip, ózińizge aýdıtorıanyń kóńilin aýdaryp ala alasyz.

Mysaly, (kórsetiliminde) Djobs bylaı aıaqtady: Biz qatelikterdi taýyp, ony túzetemiz. Biraq qazir, mańyzdy kezeńdi ótkerip jáne tynbaı eńbek etip jatqan komandany qoldaý kerek.

---