InfoHub Logo

Bir kúni qoıan uzap serýen demek bolady. Biraq ol úsh qadam jasamaı-aq butanyń arasynan bir sybdyrdy estıdi.

Osy meni túlki shyǵar ańdyp júrgen! — dep qoıan qorqyp zyta jóneledi.

Júgirip, júgirip, dem alaıyn dep tomarshaǵa otyrǵany sol edi, taǵy da butanyn arasynan sybdyrlaǵan daýys shyqty.

Qasqyr emes pe eken, meni ańdyp júrgen! — dep úreıi qashyp, qoıan taǵy qasha jóneledi. Ol júgirip, júgirip, dem alaıyn dep sál damyldaıdy.

Nelikten men sondaı baqytsyzbyn? Menen eshkim qoryqpaıdy, men bolsam bárinen qorqamyn? Sorly basym-aı, odan da bul qaıǵydan sýǵa batyp ólgenim artyq qoı, — deıdi ol qamyǵyp. Sóıtip, ol ózenge júgirip kelse, jaǵada baqa otyr eken. Sur qoıandy kóre sala baqa esi shyǵyp baqyldap sýǵa sekirip ketedi. Muny kórgen qoıan toqtaı qalyp, tańdana, óz-ózine: — Men osy nesine sýǵa batam, mennen de qorqatyndar bar eken ǵoı! — dep raıynan qaıtypty.

---