Sý, shokolad, qalam: UBT-ǵa ne alyp kirýge bolady
Ulttyq testileý ortalyǵynyń dırektory Rýslan Emelbaev ulttyq biryńǵaı testileýge kirý talaptaryn taǵy bir ret túsindirdi.
«Áli kúnge deıin UBT tapsyrýshylardan «ózimmen birge kálkýlátordy alyp kelsem bola ma?» degen suraq kelip jatyr. Sondyqtan bul týraly UBT aldynda taǵy bir márte esterińizge sala keteıin. Testileýge jeke kýálik, qalam, sý jáne shokoladtan basqa eshnárse alyp kirýge bolmaıdy», - dep jazdy ortalyq dırektory áleýmettik jelide.
Onyń aıtýynsha, testileý kompúterinde matematıka, matematıkalyq saýat, fızıka, hımıa, ınformatıka, geografıa, bıologıa pánderi boıynsha elektrondy kálkýlátor bar.
Sondaı-aq, kompúter ekrandarynda Mendeleev jáne tuzdar erigishtigi kesteleri, Beketov qatary qoljetimdi bolady.
«Al túlekterdiń qalaýy boıynsha Mendeleev jáne tuzdar erigishtigi kesteleriniń qaǵaz nusqalaryn ózimiz shyǵaryp, qoldanýǵa beremiz. Bári sizderge yńǵaıly bolýy úshin, alaıda akademıalyq adaldyq týraly da umytpaǵan jón» deıdi Rýslan Emelbaev.
Eske sala keteıik, keshe Qazaqstanda negizgi UBT bastalǵan bolatyn. Ol 5 shildege deıin jalǵasady.
You Might Also Like
-
Ábenova Aınur Polatqyzy Magıstratýra 2 –kýrs e.ǵ.d., profesor Aıtbembetova A.B. ÁL-FARABI atyndaǵy QAZAQ ULTTYQ ÝNIVERSITETİ
-
Abylaı han ózine-ózi emin-erkin kelgen soń «atajurtym Buharany alamyn» dep, úsh júzdiń balasy qazaqtyń «sen tur, men ataıyn» degen batyrlaryn jıyp, attandy. Munan barǵannan á...
